“Baydenin bəyanatı Zəngəzur dəhlizinə qarşı yönəlmiş addımdır”

“Baydenin bəyanatı Zəngəzur dəhlizinə qarşı yönəlmiş addımdır”
 

 

“ABŞ prezidenti Cozef Baydenin “erməni soyqırımı”nı məhz indi tanıması sırf geosiyasi addımdır və xüsusilə 44 günlük Vətən müharibəsindən sonra regionda mövqeləri xeyli zəifləmiş Vaşinqtonun ehtiyaclarından irəli gəlir. Bu bəyanat lokal miqyasda Ermənistandakı parlament seçkilərinə təsirsiz ötüşməyəcək. Regional anlamda isə təbii ki, Zəngəzur dəhlizinə qarşı yönəlmiş addımdır”.

Ardını oxu...

Mirələmov bu vəzifəsindən azad edildi

Biz də bu hadisə barədə görüntüləri əksəriyyət kimi sosial şəbəkələrdə gördük və izlədik.

Yenikirpi.az xəbər verir ki, bunu Report-a açıqlamasında Azərbaycan Dövlət Neft və Sənaye Universitetinin (ADNSU) İctimaiyyətlə Əlaqələr və Marketinq Departamentinin direktoru Bəhruz Nəzərov deyib.

Sözçü bildirib ki, Hüseynbala Mirələmov ADNSU-nun Qaz Neft Mühəndisliyi fakültəsinin kafedra müdiri vəzifəsindən azad edilib:

"O öz ərizəsi ilə işdən azad olunub".

İlham Əliyevdən “Ağıllı şəhər” və “Ağıllı kənd” konsepsiyası ilə bağlı Sərəncam



Prezident İlham Əliyev “Azərbaycan Respublikası Hökuməti ilə Pakistan İslam Respublikası Hökuməti arasında fövqəladə halların nəticələrinin qarşısının alınması, məhdudlaşdırılması və azaldılması sahəsində əməkdaşlıq haqqında” Sazişin təsdiq edilməsi barədə qanunu təsdiqləyib.

BAKU.WS xəbər verir ki, bu barədə məlumatı AZƏRTAC paylaşıb. Prezident İlham Əliyev “Ağıllı şəhər” (Smart City) və “Ağıllı kənd” (Smart Village) konsepsiyasının hazırlanması haqqında sərəncam imzalayıb.

“Qafqazinfo” xəbər verir ki, sərəncamda deyilir:

Azərbaycan Respublikasının şəhər və kəndlərində göstərilən xidmətlərin keyfiyyətinin, təhlükəsizliyinin, səmərəliliyinin artırılması, onların göstərilməsində informasiya texnologiyalarının tətbiqi, habelə həmin xidmətlər üzrə mövcud resursların effektiv istifadəsi və idarə olunmasının təmin edilməsi şəhər və kənd yerlərində dayanıqlı inkişafın əsas prioritetlərindəndir.

Müasir telekommunikasiya, sensor, “Böyükhəcmli məlumatlar” (Big Data) və digər rəqəmsal və süni intellekt texnologiyalarının, həmçinin innovasiya və biliklərin istifadə edilməsi sosial-iqtisadi münasibətləri daha məhsuldar və səmərəli edir, iqtisadiyyatın ümumi dəyər zəncirində yeni gəlir imkanları yaradır. Qeyd edilən texnologiyaların bir-birilə inteqrasiya olunmuş formada istifadəsi ilə rəqəmsal məlumatların formalaşdırılması, yığılması, saxlanılması, işlənilməsi və analitik təhlillər əsasında qərarvermə və idarəetmənin keyfiyyətinin yüksəldilməsi səmərəli, eləcə də keyfiyyətli xidmətlərin göstərilməsi üçün geniş imkanlar açır. Bu imkanlar şəhər və kəndlərdə göstərilən xidmətlərin növbəti inkişaf mərhələsində funksional, genişmiqyaslı “Ağıllı şəhər” və “Ağıllı kənd” xidmətlərinə keçid üçün zəmin yaradır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında “Ağıllı şəhər” (Smart City) və “Ağıllı kənd” (Smart Village) konsepsiyasının tətbiqinin sürətləndirilməsi məqsədilə qərara alıram:

1. Azərbaycan Respublikasının “Ağıllı şəhər” (Smart City) və “Ağıllı kənd” (Smart Village) konsepsiyasının (bundan sonra – Konsepsiya) hazırlanması ilə əlaqədar aşağıdakı tərkibdə İşçi qrup yaradılsın:

İşçi qrupun rəhbəri

Azərbaycan Respublikasının nəqliyyat, rabitə və yüksək texnologiyalar naziri

İşçi qrupun üzvləri

Azərbaycan Respublikası iqtisadiyyat nazirinin müavini

Azərbaycan Respublikası kənd təsərrüfatı nazirinin müavini

Azərbaycan Respublikası ekologiya və təbii sərvətlər nazirinin müavini

Azərbaycan Respublikası energetika nazirinin müavini

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi sədrinin müavini

Azərbaycan Respublikası Dövlət Şəhərsalma və Arxitektura Komitəsi sədrinin müavini

“Azərişıq” Açıq Səhmdar Cəmiyyəti sədrinin müavini

“Azərsu” Açıq Səhmdar Cəmiyyəti sədrinin müavini

2. Bu Sərəncamın 1-ci hissəsi ilə yaradılan İşçi qrup Konsepsiyanın layihəsi hazırlanarkən:

2.1. aidiyyəti dövlət orqanları (qurumları), elmi müəssisələr (təşkilatlar) və vətəndaş cəmiyyəti institutları ilə səmərəli əməkdaşlığı təmin etsin;

2.2. aidiyyəti dövlət orqanlarının (qurumlarının) nümayəndələrini, ixtisaslaşmış məsləhətçi şirkətləri, yerli və xarici ekspertləri cəlb etməklə Konsepsiyanın layihəsini və Konsepsiya çərçivəsində formalaşdırılacaq infrastruktura dair texniki və təhlükəsizlik tələblərini hazırlayıb altı ay müddətində Azərbaycan Respublikasının Prezidentinə təqdim etsin;

2.3. bu Sərəncamdan irəli gələn digər məsələləri həll etsin.

3. Aidiyyəti dövlət orqanları (qurumları) Konsepsiyanın hazırlanmasından irəli gələn vəzifələrin yerinə yetirilməsi ilə bağlı zəruri tədbirlər görsünlər.

ABŞERON SUVARMA SİSTEMLƏRİ İDARƏSİNDƏ TALANÇILIQ

 

Məlum olduğu kimi, ötən il iyulun 23-də Azərbaycan Respublikasının Prezidenti İlham Əliyevin yanında su təsərrüfatının vəziyyətinə həsr olunmuş videoformatda keçirilən müşavirədə su təsərrüfatında mövcud olan problemlər və görüləcək işlər müzakirə edilərkən, dövlətimizin başçısı öz nitqində Ona hər gün 10-dan çox məktublar gəldiyini qeyd etmişdi: “Mən Prezident Administrasiyasına, Nazirlər Kabinetinə tapşırıq verirəm. Onlar baxırlar, operativ şəkildə həll edirlər. Axı, bu, onların demək olar ki, əsas işi deyil. Bunu aidiyyəti qurumlar etməlidirlər. Nə üçün bu məktublar mənə yazılır? Ona görə ki, aidiyyəti qurumlara yazılanda onlar əhəmiyyət vermirlər, başdan edirlər. Nə qədər belə faktlar var. Biz nə qədər buna dözməliyik?.. Hər bir məktuba çox diqqətlə yanaşmaq lazımdır və həlli bilavasitə qısa müddət ərzində mümkün olan məsələlər dərhal həll olunmalıdır...”

Şükürlər olsun ki, ölkəmizin ərazi bütövlüyü uğrunda Böyük Vətən müharibəsində rəşadətli Azərbaycan Ordusunun cəbhədə bir-birinin ardınca qazandığı qələbələr çox keçmədən düşmən üzərində tam zəfərlə başa çatdı və indi çəkdiyimiz əziyyətlərin bəhrəsini görürük. Torpaqlarımızın işğaldan azad olunması bir çox problemlərimizin də avtomatik olaraq həllinə, hətta sosial-iqtisadi planda inkişafın sürətlənməsinə yönəlik bəzi regional layihələrin vaxtından tez gerçəkləşməsinə gətirib çıxaracaq. Necə ki, yağı tapdağından azad olunmuş Suqovuşan su anbarından buraxılan suların nizamlanması nəticəsində Tərtər, Goranboy və Yevlax rayonlarına suyun verilməsi, eyni zamanda ekoloji tarazlıq təmin olunmuşdur. Uzun illərdən bəri su təminatı çətin olan bu ərazilərə suyun verilməsi ilə gələcəkdə əkinlərin davamlı aparılmasına, su qıtlığının aradan qaldırılmasına, kənd təsərrüfatında yüksək məhsuldarlığın əldə edilməsinə təminat yaranmışdır.

Lakin işğaldan azad edilmiş torpaqlar, o cümlədən, içməli və suvarma suyu mənbələri ölkəmizin Qərb bölgəsinə aiddir. Di gəl, qələbənin bəxş etdiyi bu qazanclar məsələn, respublikanın ən Şərq istiqamətində yerləşən Abşeron rayonunda suvarma təsərrüfatında mövcud olan çatışmazlıqları kompensasiya edə bilməz və zəfərdən duyduğumuz fərəh hissinə qapılıb Abşeron Suvarma Sistemləri İdarəsinin fəaliyyətindəki nöqsanları (yumşaq ifadədir – müəllif.) görməzdən gələ bilmərik. İdarə rəisi Yusif Ələsgərovun rəvac verdiyi qanunsuzluqlar barədə indiyədək mətbuatda xeyli tənqidi yazılar dərc olunub. Həmin məqalələrin əksəriyyəti konkret şəxslərin şikayətlərinə əsaslanıb. Çox güman ki, Prezidentin məlum 23 iyul müşavirəsində haqqında söz açdığı şikayət məktubları arasında Yusif Ələsgərovdan edilənlər də vardır. Onu da bilirik ki, ölkəmizin başçısı cənab İlham Əliyev toxunduğu problemlərin, o cümlədən, rəqəmlərin “şişirdilməsi” məsələsinin  həllini, qarşıya qoyduğu vəzifələrin icrasını gec-tez özü yoxlayır. Bu nöqteyi-nəzərdən, əminik ki, tezliklə Yusif Ələsgərovun da “vida zəngi” çalınacaq. Bu yazdıqlarımızla çalışırıq ki, idarə rəisinin rəvac verdiyi neqativ halların həqiqi miqyası barədə təsəvvürlər dəqiqləşsin. Həm də təkcə onun özünün deyil, başına yığdığı qohum-əqrəbasının da qanunazidd əməllərinə hüquqi qiymət verilsin.

Yusif Ələsgərovun həyata keçirdiyi talana şərik etdiyi yaxınları sırasında başda yaxın qohumu Hidayət Rəcəbov gedir. İdarə rəisi satınalmalar məsələsini yada deyil, məhz qardaşına etibar edib ki, bu da korrupsiyanın qohumbazlıq növünün aşkar sübutudur. SSİ-də bütün işlək mexanizmlərin və mal-material qiymətlilərinin, su nasoslarının cari təmiri işlərinin yerinə yetirilməsi üçün ehtiyat hissələrinin  satınalınması üzrə keçirilən bütün LOT-lar üzrə tenderlərdə qutudan “qalib”i məhz Hidayət bəy çıxarır. O da layiqli namizədə deyil, qabaqcadan sövdələşdiyi şəxslərə üstünlük verir. İştirakçı şirkətlərə münasdibətdə ədalətli meyarlar deyil, Hidayət bəyin şərtlərinə boyun əyənlər nəzərə alınır. Bu səbəbdəndir ki, tender və kotirovka iştirakçıları arasında həmişə mübahisələr düşür, nəticədən narazılıqlar yaranır.

Onu da qeyd edək ki, tender qanunsuzluqları Ələsgərovların əldə etdikləri haram qazanc üsullarından yalnız biridir. İdarə rəhbərliyinin Abşeron rayonunun Fatmayi və Görədil qəsəbələri ərazisində SSİ ilə suvarılan hektarlarla torpaq sahəsini vətəndaşlara satması ayrı söhbətin mövzusudur ki, oxucularla növbəti görüşlərimizdə bu məsələ barədə də ətraflı söhbət açacağıq.

2019-cu ilin satınalmaları haqqında gələn sayımızda...

Səhmdar cəmiyyətin sədri çox hörmətli Əhməd Əhmədzadə yəqin ki, bu işlərə öz münasibətini bildirəcək. 
Qarşı tərəfin mövqeyini də dərc eləməyə hazırıq.

 

 

Dilçilik İnstitutuna ayrılan 2 milyon manatın taleyi araşdırılacaqmı?




Alimi tüfeyli olan, rüşvətə və alverə qurşanan ölkədə ədalət, haqq, düzgünlük olarmı, qanun işləyərmi?!
Ümumiyyətlə, vicdanı pulla almaq olarmı?!
Ölkədə bütün problemləri Prezident həll etməlidirmi?
Korrupsioner və oğruların yedəyindən düşməyən, arxada deyinən, fürsət düşən kimi oğurlayan, amma üzə gəlməyən 100 minlərlə alim, müəllim, həkim kütləsinin rifah içində yaşamağa haqqı varmı?!
Hər kəs özünə cavabdeh deyilmi?!
Xalqla rəhbəri birləşməyə qoymayan daxili və xarici opportunistlərə inanan xalq əbədi sərgərdan deyilmi?!
Əgər 10 000 (on min) işçi kontingenti olan bir qurumdan cəmi 2-3 nəfər sözünü deyir, qalanları susur, əyri yollarla dolanır və daha yaxşı dolanmaq üçün xilaskar Nərbalanı gözləyirsə, vay o qaragüruh, paranoik, tamahkar, qorxaq və cahil cəmiyyətin halına! Gic-gic şübhələrə düşəcəklər, lokal ağalarına yalmanıb siçovul həyatını seçəcəklər.
Düzəlmək istəyiriksə, hər kəs düz yolu tutmalı, özünə və ətrafındakılara qarşı tələbkar olmalı, öz gücü daxilində nöqsanları görüb dilə gətirməli və bu prosesdə öz hərəkətinə nəzarət etməli, həddini aşmamalıdır.
Ey nadan, sən əyrisənsə, zibillə qidalanırsansa, ölkənin, millətin, dövlətin xeyrinə heç vaxt güdməyəcəksən!
İşlədiyin qurumda dövlətin elm potensialını dağıtmaqda sövdələşməyə getmək əfvolunmaz fəaliyyətdir, dövlətin və gələcək nəsillərin əleyhinə yönəlmiş qatı cinayətdir.
Eybəcərlikləri ifşa etmək özünüislah deməkdir. Gəlin, özünüislahdan başlayaq!
Vallah, billah, Azərbaycan tarixinin indiki mərhələsində zorakılıq yolu hər hansı bir Prezident, ya rəhbər dəyişikliyi ölkəni və xalqı növbəti uçuruma sürükləməkdir.
Maariflənmək, yenə də maariflənmək! Maarifsiz xalq sivil cəmiyyət qura bilməz!
Düzəlməyimizin ideal yolu məsuliyyətimiz, gördüyümüz nöqsanları ifşa etməyimiz, idrakımız, düzgün fəallığımız, Məlikməmməd nağıllarını başımızdan çıxarmağımız, praqmatik olmağımız, şübhə və şayiə xəstəliyindən qurtulmağımızdır...

İdris Abbasov
filologiya elmləri doktoru, professor


Dilçilik İnstitutunda 2 milyon manat mənimsəmə?...


İdris Abbasov: “Hesab edirəm ki, Dilçilik İnstitutunun son 7-10 ildəki fəaliyyəti araşdırılmalıdır”
Azərbaycan Milli Elmlər Akademiyasının (AMEA) ayrı-ayrı elmi-tədqiqat institutlarında baş verən proseslər heç də ürəkaçan deyil. Azərbaycan elminin başında duran AMEA-nın institutlarının fəaliyyəti ilə bağlı yayılan məlumatlarda qeyd edilir ki, bir çox institutda maliyyə yeyintisi, korrupsiya cinayətləri baş verib.
Bu günlərdə AMEA-nın Fizika İnstitutunda bu kimi halların baş verdiyi aşkarlanıb və yanvarın 8-də Fizika İnstitutunun direktoru, akademik Nazim Məmmədov, institutun elmi işlər üzrə direktor müavini, akademik Cavad Abdinov, həmin institutun baş mühasibi İradə Qulubəyova və kadrlar şöbəsinin müdiri Pərvanə İsgəndərova vəzifələrindən azad ediliblər.
AMEA-nın rəsmi məlumatında qeyd edilib ki, Fizika İnstitutunda mükafatların verilməsi, ezamiyyə xərclərinin qanunvericiliyin tələblərinə uyğun ödənilməməsi, institutun fəaliyyəti üçün dövlət büdcəsindən ayrılmış pul vəsaitlərinin qanunsuz və əsassız olaraq başqa təşkilatlara ödənil­məsi, büdcədə qalan artıq pul vəsaitlərinin əsassız silinməsi, kadr fəaliyyəti üzrə əmək qanunvericiliyinin tələblərinin kobud şəkildə pozulması, qanunsuz və əsassız əmrlərin verilməsi, kargüzarlıq fəaliyyətinin qanunauyğun aparıl­maması, habelə əmək və icra intizamının kobud şəkildə pozulması aşkar olunub. Nəticədə isə sözügedən institutun bütün rəhbər heyəti vəzifəsindən azad edilib. Onlar barəsində müvafiq maddələrlə cinayət işinin başlanıb-başlanmadığı haqda bir söz deyə bilmərik. Amma fakt budur ki, sözügedən qurumda maliyyə pozuntuları və mənimsəmələri aşkarlanıb.
“Prezidentin Ehtiyat Fondundan 2012-ci ildə AMEA-nın Dilçilik İnstitutuna 2 milyon manat ayrılmışdı, bu pul hara xərclənib?”
Fizika İnstitutunda baş verənlər digər elmi-tədqiqat institutlarında maliyyə yeyintilərinin, korrupsiya hallarının mövcud olduğu barədə iddiaları gündəmə gətirib. AMEA-nın Nəsimi adına Dilçilik İnstitutuna qarşı da analoji fikirlər səsləndirilməyə başlayıb. Belə ki, Dilçilik İnstitutunun nəzəri dilçilik şöbəsinin müdiri, filologiya elmləri doktoru İdris Abbasovun sözlərinə görə, bu institutda da maliyyə mənimsəməsi faktları var və burada dövlətin 2 milyon vəsaiti mənimsənilib.
İ.Abbasov özünün “Facebook” hesabında “Dlçilik İnstitutuna ayrılan 2 000 000 (iki milyon) manatın taleyi araşdırılacaqmı?” - deyə yazır.
İ.Abbasovun sözlərinə görə, 2012-ci ildə Prezident İlham Əliyev “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı haqqında” Sərəncam verib. Sərəncamın icrası üçün isə Prezidentin Ehtiyat Fondundan Dilçilik İnstitutuna 2 milyon manat vəsait ayrıldığını, lakin bu vəsaitin aidiyyəti üzrə xərclənmədiyini, dövlətin vəsaitinin havaya xərcləndiyini deyən İ.Abbasovun sözlərinə görə, dövlət əhəmiyyətli əsərlərin çapına 1 manat da olsun vəsait ayrılmayıb: “Məlum olduğu kimi, Prezident İlham Əliyev 23 may 2012-ci ildə “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı haqqında” Sərəncam verib. Monoqrafik əsərlərin hazırlanması, eyni zamanda, dünyanın mötəbər kitabxanalarında, əlyazma fondlarında saxlanan əlyazmaların hazırlanaraq nəşr edilməsi, bir sözlə, ana dilimizin inkişafı üçün Prezidentin Ehtiyat Fondundan 2012-ci ildə AMEA-nın Dilçilik İnstitutuna 2 milyon manat ayrılmışdı, sual olunur, bu pul hara xərclənib? 2012-ci ildə sərəncam verilib və sərəncamın icrası üçün vəsait ayrılıb, əsas məsələ bu vəsitin uyğun olaraq xərclənib-xərclənməməsinin araşdırılmasıdır. Bu vəsaitin hara xərcləndiyinin hesabatı verilməyib. Məlumatıma görə, bu vəsaitlə instituta maqnitafon, ucuz kompyuter alıblar və onları baha qiymətə sənədləşdiriblər. Dilçilik İnstitutuna ayrılan 2 milyon manat aidiyyəti üzrə xərclənməyib. Bu vəsaitin xərclənməsi ilə bağlı ortada böyük şübhələr var. Şübhələr ona görə yaranıb ki, institutda ortada bir iş yoxdur. Məsələn, Dilçilik İnstitutu hansı qədim abidələrin araşdırlmasına, çapına vəsait ayırıb? İnstututda əsas iki möhtəşəm iş görülüb, onların da heç birinə vəsait ayrılmayıb. Onlardan biri Mirzə Kazım bəyin 180 il əvvəl yazdığı “Türk tatar dilinin qrammatikası” və 400 il bundan qabaq yazılan, Vatikan kitabxanasında saxlanan “Azərbaycan dilinin orijinal qrammatikası”dır. “Azərbaycan dilinin orijinal qrammatikası” ilə bağlı işi 2020-ci ildə iki nəfərlə görmüşük. Amma buna Akademiyada biganə yanaşılıb, sanki heç nə olmayıb. Yəni əsaslı, fundamental elmi əsərlərin çapına heç bir vəsait ayrılmayıb. Belə hesab edirəm ki, dövlət büdcəsindən ayrılan pullar boşuna sərf olunub, boşuna da sərf olunmaqdadır. Bundan başqa, dövlət fondlarından alınan qrantların hesabına hansı işlər görülüb? Bu da ortada yoxdur. Ortaya qoyduqları işlər də plagiat çıxır”.
İ.Abbasov hesab edir ki, Dilçilik İnstitutunda fəaliyyət göstərən elmi şuranın da fəaliyyətində kifayət qədər nöqsan var. “Bunun adını “elmi şura” qoyublar. Bəs bu “elmi şura”nın funksiyası nədən ibarətdir? Mən belə görürəm ki, “elmi şura” ayrılan vəsaitlərin yeyilməsində bir təsdiqləyici və dəstəkləyici rol oynayıb. Belə çıxır ki, bu şura plagiat əsərlərin çapına səs verib. Sizə bir fakt deyim. Pietro della Vallenin əsəri yalnız bizim şöbənin daxilində hazırlandı və üzə çıxarıdı. Mən bu işi institutun elmi şurasına qoymadım. Ona görə ki, bu şura etibarsızdır, artıq o öz etibarını itirib. İnstitutun “elmi şura”sı özünü buraxmalıdır. Əgər bir azca etik hərəkət etmək istəyirsə, şura özünü buraxmalıdır. Bu qədər dövlət vəsaitinin səmərəsiz xərclənməsində “elmi şura”nın da böyük “rolu” var. Bir “elmi şura” saxta əsərə “hə” deyib, dövlət büdcəsindən pul mənimsənilməsi ilə razılaşırsa, o elmi şura çoxdan ləğv olunmalıdır. Amma təəssüf ki, bu gün də var və öz işini davam etdirir. Burada həm də bu institutda işləməyən müxtəlif şəxslər də saxlayırlar ki, məsələn, onlardan istifadə edilsin, düz söz danışan əməkdaşın üstünə qaldırılsın, onu susdursunlar. Bu adamların bəzi media orqanları ilə ciddi əlaqələri var, onların vasitəsilə də öz çirkin niyyətlərini həyata keçirirlər. Əslinə qalanda, böyük islahatlar lazımdır. Oradakı akademiklər, professorlar, vəzifəli elm adamları bu məsələnin qarşısını almaq üçün heç nə etmirlər. Bu kosmetik dəyişikliklərlə, yaxud “nəlbəkidə fırtına qoparmaqla” bu dəhşətli problemləri həll etmək mümkün deyil. Vəziyyət təsəvvür etdiyinizdən də çox ağırdır”.
İ.Abbasov hesab edir ki, Fizika İnstitutunda aparılan araşdırma digər elmi-tədqiqat institutlarında da tətbiq edilməlidir: “Bütün institutlarda bu cür araşdırmalar, yoxlamalar aparılmalıdır. İlk növbədə, bu, Dilçilik İnstitutunu mütləq əhatə etməlidir. İndi 2 milyon deyirik. Bu 2 milyon rəsmi sənəddə göstərilən və təyinatı müəyyənləşdirilən bir rəqəmdir. Biz bunu deyə bilirik və gözümüzlə görürük ki, bu vəsait aidiyyəti üzrə xərclənməyib. Dövlət əhəmiyyətli əsərlərin çapına vəsait yoxdur. Təsəvvür edin ki, bizim dövlətimizə - Səfəvilər dövrünə aid olan ana dilimizin orijinal qrammatikası ilk dəfə olaraq nəşr olunacaq. Bu bizim dilçiliyimizdə böyük bir hadisədir. Onun nəşrinə vəsait tapmayan Dilçilik İnstitutu artıq öz funksiyasını itirmiş hesab olunur. Qrantları hələ demirəm. O qrantlar alınırsa, haradan alınır? Dövlət mülkiyyətinə, dövlət vəsaitinə çox düşmən münasibət bəslənir, alim münasibəti bəslənilmir. Mən orada alim yanaşması görmürəm, alim belə ola bilməz. Real alim o vəsaitin hər qəpiyinin qədir-qiymətini bilər. Burada isə tamamilə başqa bir mənzərə, başqa bir gerçəklikdir. Ona görə də hesab edirəm ki, Dilçilik İnstitutunun son 7-10 ildəki fəaliyyəti araşdırılmalıdır. Belə olmasa, bizi daha ağır problemlər gözləyir, tam uçuruma doğru gedirik.
Mənə belə məlumat çatıb, çıxışlarımdan oradakı dairələr çox narahatdır və mənimlə bağlı çox acıqlıdırlar, qəzəblidirlər ki, nə üçün bu sirləri açıram, ictimaiyyətə çatdırıram. Təbii ki, bu, əvvəlki illərdə də belə idi, elə də davam edir. Çox təəssüf edirəm. 2 min manat titul maaşı alırlar, amma bunlar belə işlərlə məşğul olurlar. Onlar belə işləməməli idilər, dövlət büdcəsini, dövlət maraqlarını göz bəbəyi kimi qorumalı idilər. Amma çox təəssüf ki, biz bunun tam əksinin baş verdiyini görürük”.

İradə SARIYEVA





Xəbər lenti