Azərbaycan xalqı Zəfər Gününü qeyd edir - VİDEO



Bu gün Azərbaycanın 44 günlük müharibədə tarixi qələbə qazanmasından bir il ötür – xalqımız Zəfər Gününü qeyd edir.

, 2020-ci ilin sentyabrın 27-də başlanan Vətən müharibəsi Azərbaycanın döyüş meydanında parlaq qələbəsi və tarixi ədaləti bərpa etməsi ilə nəticələnib.

Ali Baş Komandan İlham Əliyevin rəhbərliyi ilə Azərbaycan Ordusu noyabrın 9-dək 5 şəhər, 4 qəsəbə və 286 kənd işğaldan azad edib.

Döyüş meydanında ordumuzun göstərdiyi şücaət düşməni təslim olmağa məcbur qoyub. Noyabrın 10-da Azərbaycan, Rusiya və Ermənistan arasında üçtərəfli bəyanat imzalanıb. Bu, Ermənistan üçün kapitulyasiya aktı idi. Beləliklə, bir güllə belə atılmadan işğalçı Ermənistan üç rayonu Azərbaycana təhvil verib.

Bəyanata əsasən, noyabrın 20-də Ağdam rayonu Azərbaycana təhvil verilib. Bununla da rayonun işğal edilmiş 73 faiz ərazisi, o cümlədən Ağdam şəhəri azad olunub.

Noyabrın 25-də Kəlbəcər rayonu Azərbaycana təhvil verilib. Kəlbəcər şəhəri də daxil olmaqla, 147 yaşayış məntəqəsi işğaldan azad edilib.

Dekabrın 1-də Laçın rayonu Azərbaycana təhvil verilib. Bununla da üçtərəfli bəyanata uyğun olaraq, Ağdam, Kəlbəcər və Laçın rayonlarının sülh yolu ilə qaytarılması prosesi yekunlaşıb.

44 günlük Vətən müharibəsi Azərbaycanın Ali Baş Komandanı İlham Əliyevin sərkərdəliyi ilə Azərbaycan Ordusunun Ermənistana döyüş meydanında tarixi dərs verməsinə səhnə olub. Ali Baş Komandanın çoxsaylı çıxışlarında qeyd etdiyi kimi, Müzəffər Ordumuz bir an belə geri çəkilmədən daim irəli gedib işğala son qoymağı düşünüb. Yekunda isə Ordumuz qarşıya qoyulmuş tapşırıqları yüksək peşəkarlıqla yerinə yetirərək Azərbaycanın ərazi bütövlüyünü bərpa edib.

Azərbaycanın şanlı zəfəri onun qəhrəman övladlarının qanı hesabına başa gəlib. Azərbaycan Respublikasının Müdafiə Nazirliyi bu günədək 2908 şəhidimizin dəfn olunduğunu açıqlayıb. 6 hərbçimiz itkin düşüb.

Şəhidlərimizin qanı, qazilərimizin mübarizəsi və şücaəti Zəfər Gününü Azərbaycan xalqına bəxş edib. Azərbaycan Ordusu Suqovuşan, Füzuli, Cəbrayıl, Hadrut, Zəngilan, Qubadlı, Şuşa uğrunda uğurlu hərbi əməliyyatlar keçirib. Müharibənin ilk günlərində düşmənin iftixar mənbəyinə çevirdiyi “Ohanyan xətti” darmadağın edildi. Ermənilər bu müdafiə xəttinin keçilməzliyi ilə bağlı miflər yaratsalar da, Azərbaycan Ordusunun peşəkar zabitləri, igid əsgərləri həmin o mifi də məhv etdilər. Suqovuşan, Füzuli, Cəbrayıl istiqamətlərində düşmənə vurulan sarsıdıcı zərbə, müdafiə xəttinin məhv edilməsi ermənilərə qorxu saldı. Zəngilan və Qubadlı uğrunda döyüşlərdə pərən-pərən salınan düşmən tək çarəni mövqeləri tərk edib geri çəkilməkdə gördü. Azərbaycan Ordusunun məhv etdiyi düşmən “taktiki olaraq geri çəkildiyini” iddia etsə də, döyüş meydanında tətbiq olunan yalnız bir taktika vardı. O da Azərbaycan Ordusunun daim irəli şüarı ilə həyata keçirdiyi peşəkar əməliyyat taktikası.

Laçın dəhlizinə çıxdıqdan sonra hədəf Qarabağın mədəniyyət beşiyi Şuşa oldu. Qəhrəman hərbçilərimizin misilsiz şücaəti və dünya hərb tarixinə düşən əməliyyat planı ilə Qarabağ xanı Pənahəli xan Cavanşirin əsasını qoyduğu Şuşa şəhəri əsarətdən qurtarıldı.

Parlaq zəfərlərlə dolu əməliyyatlara səhnə olan Vətən müharibəsi 10 noyabr tarixində üçtərəfli bəyanatla başa çatdı. Qalib və Müzəffər Ordunun Ali Baş Komandanı kimi İlham Əliyev bütün dünyanın gözü qarşısında bəyanatı imzaladı. Ordusu məhv edilən, separatizm ideyaları darmadağın olan, rüsvayçı şəkildə məhv edilən Ermənistan baş naziri Nikol Paşinyan isə gizlində kapitulyasiya aktına öz imzasını çəkməli oldu.

44 günlük müharibə ilə tarix yazan Azərbaycan həmin tarixi Zəfər Günü ilə əbədiləşdirdi. Bu gün hər bir azərbaycanlı Vətən müharibəsində qazanılmış şanlı zəfəri qeyd edir, şəhidlərimizin müqəddəs xatirəsi yad edilir, qazilərimizə qayğı və ehtiram göstərilir.

Zəfər günü Azərbaycanın müstəqillik tarixində ən önəmli hadisələrdən biri kimi tarixə düşdü. Ali Baş Komandan İlham Əliyevin uzaqgörən siyasəti, Azərbaycan dövlətinin qüdrəti və nəhayət ordumuzun qəhrəmanlığı ilə unudulmaz zəfər qazanıldı. İllərin həsrətinə son qoyuldu, qisas alındı, ədalət bərpa olundu, Qarabağ öz Vətəninə qaytarıldı, onun bağrından zorla qoparılan xarıbülbül yenidən çiçək açdı... 8 noyabr tarixi hər bir azərbaycanlının iftixar mənbəyinə çevrildi.

İftixar günümüz – bundan sonra hər zaman xalqımızın müqəddəs amal uğrunda mübarizəsinin müqəddəsliyini bizə xatırladacaq. Həmin müqəddəs mübarizə bizə hər zaman növbəti Zəfərlərə daşıyacaq!

Oxu.Az kollektivi Zəfər Günü münasibətilə başda Prezident, Müzəffər Ali Baş Komandan İlham Əliyev və Birinci vitse-prezident Mehriban Əliyeva olmaqla Azərbaycan xalqını təbrik edir!

 

Bölmənin digər xəbərləri

29 Mart 2023 İnterneti, xəstəxanası olmayan kəndin sakinləri etiraza qalxdılar - VİDEO
16 Mart 2023 Qubada kənd sakinləri AYAĞA QALXDI: ”BU İŞİ DAYANDIRIN CƏNAB NAZİR” – REPORTAJ
16 Mart 2023 Quba meşələrində DƏHŞƏTLİ GÖRÜNTÜLƏR:”Nəfəsimizi belə kəsirlər”
15 Mart 2023 “XXI əsrdə Bakının mərkəzində hamamı olmayan uçuq-sökük evdə yaşayırıq” - ŞİKAYƏT
13 Mart 2023 İcra başçısı tibb işçilərinə küçədəki tullantıları təmizlətdirdi - FOTO
09 Mart 2023 Quruyan təkcə Kür deyil....
07 Mart 2023 Abşeronda 37 yaşayış binası “sahibsiz” qalıb - VİDEO
20 Fevral 2023 Bakıda bina su quyusunun üstündə tikilib? - Su basmış həyətin sakinləri şikayətçidir - FOTO/VİDEO
03 Fevral 2023 Apteklərdə bəzi dərmanlar niyə tapılmır? - VİDEO
02 Fevral 2023 Qubadakı küçənin acınacaqlı vəziyyəti ilə bağlı AÇIQLAMA - FOTO/VİDEO
31 Yanvar 2023 Hövsanda yollar bərbad vəziyyətdədir - VİDEO
30 Yanvar 2023 Xəzər dənizinin suyunun azalması ilə bağlı ŞOK AÇIQLAMA - RƏSMİ +VİDEO
24 Yanvar 2023 Günlərdir qalaqlanan məişət tullantıları - VİDEO
20 Yanvar 2023 Qanlı 20 Yanvar faciəsindən 33 il ötür
16 Yanvar 2023 Xırdalanda əhalinin üzləşdiyi acınacaqlı MƏNZƏRƏ - VİDEO
10 Yanvar 2023 Xətai rayonunda 35 ailənin həyatı təhlükədədir -
09 Yanvar 2023 " Bakı qışa tam hazırdır"
09 Yanvar 2023 Bakı istiqamətində uzunluğu 1 km-ə çatan tıxac yarandı - VİDEO
06 Yanvar 2023 Hökməlidə hökm sürən antisanitariya - VİDEO
06 Yanvar 2023 İtlərin hücumuna məruz qalan 41 yaşlı qadın öldü - Video

Xəbər lenti