Yaşıl genosidin yeni üsulları

 

        Əslində bəhs edəcəyimiz mövzuda gülüş doğuracaq bircə məqam belə yoxdur. Əksinə, gördüklərimiz və sizlərə də göstərəcəklərimiz başdan-ayağa bir faciədir. Amma uyğunluğu nəzərə alıb bəhsimə bir lətifə ilə başlamaq istəyirəm. Günlərin bir günü deputatlığa iki namizəd çay kənarında oturub balıq tuturlar. Bir qrup insan, yəni potensial seçicilər də bunları kənardan izləyir. Birdən namizədlərdən birinin tilovuna balıq düşür. Bu da balığı sudan çıxarıb başına bir taxata parçası ilə bir-iki zərbə vurur və qoyur kənara. Bunu görən insanlar başlayırlar səs-küylə, fit çalmaqla öz etirazlarını bildirməyə. Bu zaman ikinci namizədin də tilovuna balıq düşür. Bu da balığı sudan çıxarır, amma vurmaq əvəzinə ehmalca tumarlayır, hətta başından da öpür və ehmalca qoyur yanındakı səbətə. Təbii ki, seçicilər də bu hərəkətə heyran olurlar və çəpik çalmaqla, alqışlarla öz məmnunluqlarını bildirirlər. Onda ikinci namizəd birinciyə deyir: “Bax, siyasət budur dostum. Onsuz da balıqların hər ikisi axşam yeyiləcək. Əsas məsələ seçicilərin məmnun qalmalarıdır...”

 

        İndi bizim Bakıda da bəzi işbazlar təbiətə divan tutub özləri də cəzasız qalmaq üçün elə “siyasi” gedişlər fikirləşib icad edirlər ki, adam lap məəttəl qalır. Bir bu şəkillərə nəzər yetirin. Nə görürsünüz? Əgər desəniz ki, şəkildə sadəcə dəmir hasara alınmış böyük bir ağaclıq sahəsi görürsüz, onda deməli siz təsvirin mahiyyətini görə bilmirsiz. Çünki əslində bu şəkillərdə susuzluqdan zülm çəkən, quruyub məhv olmaq üzrə olan ağaclar əks olunub. Bu ərazi isə  Bakının Nizami rayonunda, Şərifli və Nəsimi küçələrinin kəsişməsində yerləşir. Yerli sakinlər deyirlər ki, bu yaşıllıq zonası ötən əsrin 70-ci illərində, ulu öndər Heydər Əliyevin Azərbaycanda hakimiyyətə gəldiyi ilk vaxtlarda salınıb və o vaxtdan bu günə qədər həmin ağaclara daim qulluq göstərilib. Deyilənə görə bu ərazi artıq neçə müddətdir ki, bir qrup işbazın nəzəri-diqqətini özünə cəlb edib. Amma göz görə-görə ağacları kəsib yaşıllığı məhv etməyə də cürət edə bilmirdilər. İndi deyəsən hansınınsa ağlına bu ideya gəlib ki, ağacları hasara almaqla onları sudan, qulluqdan məhrum etsinlər və bu minvalla da yaşıllıq özü-özünə məhv olsun. Ondan sonra qurumuş ağacları kəsib ərazini almaq ən asan məsələdir.

        Yaxşı bəs görəsən Ekologiya və Təbii Sərvətlər Nazirliyində, eləcə də Bakı Şəhər İcra Hakimiyyətində və Nizami Rayon İcra Hakimiyyətində bu barədə nə düşünürlər? Bəlkə gözləyirlər ki, ağaclar tamamilə quruyub məhv olsun, sonra da onlar öz vəzifələrini vicdanla yerinə yetirən məmur kimi, təqsirkarları aşkar edib onları bir yaxşı cərimələsinlər? Əgər sonluğu belə olacaqsa, onda ən azından bir az mərhəmətli olun. Ağacları susuz qoyub qurutmaqdansa, elə bəri başdan birdəfəlik verin balta-mişarın ağzına. Amma unutmayın ki, sizin bu cinayətiniz həm də Ulu Öndərimizin ruhuna xəyanətiniz olacaq.

 

      

 

 

 

Bölmənin digər xəbərləri

29 Mart 2023 İnterneti, xəstəxanası olmayan kəndin sakinləri etiraza qalxdılar - VİDEO
16 Mart 2023 Qubada kənd sakinləri AYAĞA QALXDI: ”BU İŞİ DAYANDIRIN CƏNAB NAZİR” – REPORTAJ
16 Mart 2023 Quba meşələrində DƏHŞƏTLİ GÖRÜNTÜLƏR:”Nəfəsimizi belə kəsirlər”
15 Mart 2023 “XXI əsrdə Bakının mərkəzində hamamı olmayan uçuq-sökük evdə yaşayırıq” - ŞİKAYƏT
13 Mart 2023 İcra başçısı tibb işçilərinə küçədəki tullantıları təmizlətdirdi - FOTO
09 Mart 2023 Quruyan təkcə Kür deyil....
07 Mart 2023 Abşeronda 37 yaşayış binası “sahibsiz” qalıb - VİDEO
20 Fevral 2023 Bakıda bina su quyusunun üstündə tikilib? - Su basmış həyətin sakinləri şikayətçidir - FOTO/VİDEO
03 Fevral 2023 Apteklərdə bəzi dərmanlar niyə tapılmır? - VİDEO
02 Fevral 2023 Qubadakı küçənin acınacaqlı vəziyyəti ilə bağlı AÇIQLAMA - FOTO/VİDEO
31 Yanvar 2023 Hövsanda yollar bərbad vəziyyətdədir - VİDEO
30 Yanvar 2023 Xəzər dənizinin suyunun azalması ilə bağlı ŞOK AÇIQLAMA - RƏSMİ +VİDEO
24 Yanvar 2023 Günlərdir qalaqlanan məişət tullantıları - VİDEO
20 Yanvar 2023 Qanlı 20 Yanvar faciəsindən 33 il ötür
16 Yanvar 2023 Xırdalanda əhalinin üzləşdiyi acınacaqlı MƏNZƏRƏ - VİDEO
10 Yanvar 2023 Xətai rayonunda 35 ailənin həyatı təhlükədədir -
09 Yanvar 2023 " Bakı qışa tam hazırdır"
09 Yanvar 2023 Bakı istiqamətində uzunluğu 1 km-ə çatan tıxac yarandı - VİDEO
06 Yanvar 2023 Hökməlidə hökm sürən antisanitariya - VİDEO
06 Yanvar 2023 İtlərin hücumuna məruz qalan 41 yaşlı qadın öldü - Video

Xəbər lenti