|
|
 |
 |
|
Qusarda FIRILDAQÇI ƏR-ARVAD ƏLƏ KEÇDİ... - Biri fala baxırmış, digəri isə...
Yenikirpi.az DİA.AZ: - a istinadən bildirir ki, Qusarda fala baxmaq adı ilə insanları aldadaraq pullarını mənimsəyən qadın polislər tərəfindən saxlanılıb.
DİN-in Mətbuat Xidmətinin Şirvan regional qrupundan DİA.AZ-a verilən məlumata görə, Qusar rayon sakini olan bir qadın Rayon Polis Şöbəsinə müraciət edərək iyun ayının 27-də tanımadığı bir qadının onun yaşadığı evə gəldiyini, evində şər qüvvələr olduğunu bildirərək fala baxmaq adı ora daxil olduğunu və 11800 manat pulunu oğurladığını bildirib.
Məlumatla əlaqədar RPŞ-nin əməkdaşları tərəfindən “isti izlərlə” həyata keçirilən əməliyyat-axtarış tədbiri nəticəsində dələduzluq yolu ilə insanların etibarından sui-istifadə edən və zərərçəkənin pulunu məsimsəyən qadının Yevlax rayon sakini Aygün Məmmədova olduğu və həyat yoldaşı Elçin Abdullayevlə birlikdə sonuncuya məxsus “Ford Tranzit” markalı nəqliyyat vasitəsi ilə Yevlax istiqamətində hərəkət etdiyi müəyyən edilib.
Həmin şəxslər polis əməkdaşları tərəfindən Hacıqabul rayonu ərazisində saxlanılaraq istintaqa təhvil veriliblər. Saxlanılan zaman isə E.Abdullayevə məxsus nəqliyyat vasitəsinə keçirilən baxış zamanı isə avtomobildən bir ədəd “AKS-74U” markalı avtomat, 24 ədəd patron və bir ədəd avtomat darağı aşkarlanaraq götürülüb.
Saxlanılan şəxslər barəsində Qusar RPŞ-nin İstintaq Bölməsində cinayət işi aşılıb, araşdırmalar aparılır.
Həmin qadının fala baxmaq adı ilə digər şəxsləri aldatdığı da istisna olunmur. Onun qanunsuz əməllərindən zərərçəkən başqa şəxslər varsa bu barədə Daxili İşlər Nazirliyinin “102” Zəng Mərkəzinə, eləcə də Qusar Rayon Polis Şöbəsinə müraciət etmələri xahiş olunur.
Ucar rayon Meliorasiya İdarəsinin müdiri vətəndaşı ölümlə hədələdi
Ucar rayonu Heydər Əliyev prospekti ev 136 ünvanında yaşayan Raqif Şirinov AsiyaTV-yə müraciət edərək Ucar rayon Meliorasiya İdarəsinin müdiri Həsən Qasımovun sifarişi ilə təhqir edildiyini, hətta ölümlə hədələndiyini bildirib.
Qadın həkimi döyən “müharibə əlili”nə cinayət işi açıldı - VİDEO
Dövlət Tibbi-Sosial Ekspertiza və Reabilitasiya Agentliyinin həkim-ekspertinə qarşı xuliqanlıq faktı üzrə cinayət işi başlayıb.
Daxili işlər Nazirliyinin mətbuat xidmətindən verilən məlumata görə, Bərdə rayon sakini 1963-cü il təvəllüdlü Şamayıl Mustafayev heç bir səbəb olmadan ictimai qaydanı kobud surətdə pozaraq agentliyin həkim-ekspertini yumruqla vuraraq ona müxtəlif dərəcəli yüngül bədən xəsarətləri yetirib.
İstintaq tədbirlərilə hadisə yerinə baxış keçirilib, xəsarət alan həkim-ekspert zərərçəkmiş şəxs qismində tanınıb, məhkəmə tibb ekspertizasının rəyi və şahidlərin ifadələri alınıb.
Binəqədi RPİ-nin İstintaq şöbəsində Cinayət Məcəlləsinin 221.1-ci (Xuliqanlıq) maddəsilə başlayan cinayət işi üzrə istintaq hərəkətləri davam etdirilir.
Bakıda bu qəsəbəyə qurbağalar hücum çəkib - VİDEO
Bakıda yerli qəsəbələrin birindəki məhəllədə insandan çox qurbağa yaşayır. Söhbət Abşeron rayonu Məmmədli qəsəbəsindəki yeni məhəllə adlanan ərazidən gedir.
38 yaşlı kişi ilə nişanlandırıldığı iddia edilən 14 yaşlı qızla bağlı AÇIQLAMA
"Nişanlanma olmayıb, söz kəsmək istəyiblər. Biz bunun qarşısını aldıq".
Milli.Az bildirir ki, bu sözləri Masallı rayon Bədəlan kəndinin sakini olan 14 yaşlı qızın nişanlandırılması ilə bağlı yayılan iddialar barədə Yeniavaz.com-a açıqlama verən sözügedən kəndin icra nümayəndəsi Hacırza Nağıyev deyib. O bildirib ki, ana qarşı tərəfə rədd cavabı verib və övladını oxudacağını deyib: "Nişanlanma olmayıb, söz kəsmək istəyiblər. Biz bunun qarşısını aldıq. İcra hakimiyyətindən nümayəndələr, polis əməkdaşları və məktəbin direktoru ilə birlikdə gedib qızın özü və anası ilə söhbətləşdik. İzah etdik ki, bu qeyri-qanuni addımdır. Bildirdik ki, söz kəsilməsi də məktəbli uşaq üçün həmyaşıdları arasında problemlərə səbəb ola bilər. Onlar da bizimlə razılaşdılar. Məsələni aktlaşdırdıq. Ana da bildirdi ki, başa düşməyib və qarşı tərəfə rədd cavabı verib. O övladını oxudacağını bildirdi. Qızın atası dünyasını dəyişib".
-------
10:39
"Lənkəran şəhərinin istirahət mərkəzlərinin birində mayın 5-də 14 yaşlı qızla 38 yaşında kişinin nişan mərasimi keçirilib".
Milli.Az bildirir ki, bu barədə "Azərbaycan Uşaqları" İctimai Birliyinin sədri Kəmalə Ağazadə məlumat verib.
O bildirib ki, nişanlanan qız Masallı rayon Bədəlan kənd sakini, 8-ci sinif şagirdi Zeynəb İsmayılova (ad, soyad şərtidir) olub:
"14 yaşlı məktəbli qızın atasının vəfat etdiyi üçün o hazırda anası ilə birlikdə Bədəlan kəndində babasının evində yaşayır. Seymur adlı oğlan isə Rusiya vətəndaşıdır və orada sahibkarlıqla məşğul olur".
O əlavə edib ki, qız özündən 24 yaşlı böyük nişanlısı ilə Rusiyada yaşayacaq:
"Bir müddət sonra isə 38 yaşlı şəxs ailədən etibarnamə alaraq qızı da Rusiyaya aparacaq. Sonra da 14 yaşlı qız ana olmağa hazırlaşacaq".
“Azərtac”ın müxbiri və AzTV-nin operatoru minaya düşərək vəfat etdi - FOTO
Azərbaycan Televiziyasının operatoru 1989-cu il təvəllüdlü Sirac Abışov və “Azərtac”ın əməkdaşı Məhərrəm İbrahimov (Əlioğlu) Kəlbəcər rayonunda xidməti vəzifələrini yerinə yetirərkən minaya düşərək həlak olublar.
Göyçayda kollecdə rəsmən BAZAR AÇIBLAR... - İDDİA
"Göyçay Kollecinin direktoru İrşad Abbasov rüşvət yıgmaq üçün Təhsil Nazirinin verdiyi qərarı belə pozmaqdan qorxmur.Pandemiya dövrünün tələblərinə uygun olaraq Ali və orta ixtisas müəssisələri distant təhsil formasına keçirildi."
BUNDAN SONRA KİMİ İNANDIRMAQ OLAR?! (Rüsvayçılığın rəsmiləşdirilməsi mərasimi)
AMEA-nın vitse-prezidenti, akademik İsa Həbibbəylinin başçılığı altında əmələ gələn, elmi möhtəvadan məhrum, rüsvayçı plagiat kitabın təqdimat mərasiminə "Məqsədyönlü siyasətin məntiqi davamı" adını veriblər (?!). Bu da elmi tərəqqi!
Dövlətə, xalqa ziyan vurmağı "məqsədyönlü siyasətin məntiqi davamı" kimi dərk edib tətbiq edən alim-akademik ordusu olan ölkənin vəziyyəti pis olmayıb yaxşı olmalıdırmı?!
Azərbaycan dilçiliyinin üz qarasının təqdimat mərasiminə belə başlıq seçilməsinə adam söz tapmır deməyə.
Qızıl suyuna çəkilmiş belə gözqamaşdırıcı təqdimat mərasimləri ilə nəyinsə elmiliyinə-filana artıq heç kimi inandırmaq olmaz.
PS. Akademik mühit üçün belə təqdimatlarla gözə kül üfürüb elmi inkişaf etdirmək adı altında dövlətdən titul, vəzifə, pul qoparıb, xımır-xımır yeyib qəşş etməyin, sən demə, başqa bir zövqü var imiş. Burundan gəlməsi olmaya!
İdris Abbasov
filologiya elmləri doktoru, professor
filologiya elmləri doktoru, professor
ÖZLƏRİNİN SANKİ XÜSUSİ QANUNVERİCİ ORQANLARI VAR
Şəxsi düşüncələrinə əsaslanaraq qanunyaratma təkcə Azərbaycan Milli Elmlər Akademiyasının Rəyasət Heyətində baş vermir. Bu hal Ali Attestasia Komissiyasının Rəyasət Heyətində daha “taktik”dir. (Komissiyanın tətbiq etdiyi qeyri-qanuni "taktikalar"ı, adətən, düşmənə qarşı edirlər). Bundan məqsəd vətəndaşları mənəvi-psixoloji cəhətdən yorub dövlətdən və ilk növbədə ölkə başçısından narazı salmaqdır. Bunun başqa adı yoxdur.
AAK SƏDRİ FAMİL MUSTAFAYEVİN DƏ DAXİL OLDUĞU AKADEMİK ŞƏBƏKƏNİN SANKİ XÜSUSİ QANUNVERİCİ ORQANI VAR.
Xatırladım ki, Famil Mustafayevin AAK-a sədr gəldikdən sonra qanunsuz əməlindən əl çəkməməsi 50-yə yaxın doktorant və dissertantın ölkə başçısına müraciəti ilə nəticələnmişdir. Bundan sonra da o, qeyri-qanuni əməlində korrektə etməmiş, əksinə, daha da rüsvayçı addım ataraq məlum 4 bəndlik qərarın (13 dekabr 2019-cu il) ilk iki bəndini dəyişib növbəti iki bəndini olduğu kimi saxlamış, qanunu tələb edən doktorantlar arasında ikitirəlik yaratmağa çalışmışdır. Necə deyərlər, qaş düzəltdiyi yerdə vurub gözünü də çıxarmışdır.
Ali Attestasiya Komissiyası "lehinə-əleyhinə" taktikasına sadiqdir. Bu gün qərar çıxarıb lehinə səs verdiyi qərarın sabah əleyhinə səs verib qeyri-qanuni sayan AAK-ın birisi gün nə edəcəyini Allah bilir. Əlbəttə, dəyən ona və onun kimi ortada yeyib qıraqda gəzən vəzifə adamlarına yox, Azərbaycan dövlətinə, xalqına və rəhbərinə dəyir.
Yaxınları səngərdə düşmənlə döyüşdüyü bir vaxtda AAK həmin döyüşçülərin qanunu tələb edən, haqlarını istəyən yaxınları ilə – potensial əsgər anaları ilə "döyüşür". Qürurvericidir, deyilmi?! Heyhat!
Söhbət AAK sədrinin qanunsuz əməllərindən, işbilməməzliyindən və özbaşınalığından gedir. Adam Konstitusiyanın maddəsini öz şəxsi düşüncəsinə görə pozur, Azərbycan Konstitusiyasının müvafiq maddəsinin ziddinə qanunsuz qərar çıxarır, bir müddət sonra həmin qərarın bir hissəsini öz şəxsi zövqünə uyğun dəyişib bir hissəsini saxlayır - eynən AMEA Rəyasət Heyətinin etdiyi və ya onun etdiyinin bənzəri kimi edir.
AAK-dakı, onun Rəyasət Heyətindəki və ekspert şuralarındakı qanunsuzluqlardan, özbaşınalıqlardan, Famil Mustafayevin işbilməzliyindən çox yazılıb. Dərd burasıdır ki, AAK sədri özbaşınalıqların baş alıb getdiyi dissertasiya şuralarında intizam yaratmaq əvəzinə, həmin şuralardan öz qanunsuz hərəkətlərinə dəstək ummaq həvəsilə fəaliyyət göstərir.
P.S. Xatırladım ki, F.Mustafayevin səhv və qanunsuz qərarının qurbanlarından birinə çevrilmiş, həyat yoldaşı Hadrut uğrunda gedən döyüşlərdə yaralanmış xanım dissertant seçdiyi elm sahəsindən savayı, Konstitusiya və qanunları Famil Mustafayevdən daha yaxşı analiz etmək qabiliyyətinə sahibdir. Belə layiqli Vətən övladlarını tam haqsız olaraq bezikdirib narazı salmağa çalışanların nəinki vəzifə tutmağa, həmçinin özlərinin və cəmiyyətə xeyri olmayan övladlarının Vətənin naz-nemətlərini inhisara alıb lüks şəraitlərdə yaşamağa, bahalı avtomobillərdə saga-sola çapmağa, xalqa acıq-qıcıq verib ölkəni parçalamağa, elmsizləşdirmək bir tərəfə qalsın, cəmiyyəti əxlaqsızlaşdırmağa, kin-küdurət yaradıb məhv etməyə haqqı yoxdur. Yetər artıq!
Qeyd. Mən növbəti statusda vəzifəsindən sui-istifadə edib vətəndaşları girinc edən möhtərəm Famil Mustafayevin 2010-cu ildə müdafiə etdiyi elmlər doktorluğu dissertasiyasının avtoreferatını təqdim edəcəyəm. Ürəyi və əsəbi zəif olanların baxması məsləhət deyil. Orta savadlı könüllü bir iqtisadçı istəyərsə, cənab-alinin dissertasiyasını da birgə nəzərdən keçirə bilərik. Əlbəttə, elmin başında dayanan şəxslərdən öyrənmək qəbahət deyil!
İdris Abbasov
filologiya elmləri doktoru, professor
filologiya elmləri doktoru, professor
QANUNUN OLMAMASINA İNANDIRMAQ CƏHDİ
Famil Mustafayev bu gün Ali Attestasiya Komissiyasının sədridir. Ölkə Prezidentinin adı ilə manipulyasiya edib çıxardığı qanunsuz qərarların eyforiyasına varır. Bu günün sabahı da var. Unutmaq olmaz ki, vəzifə bir əmanətdir, əmanətə xəyanət isə əfvolunmazdır!
Bundan da dəhşətlisi cəmiyyəti qanunun olmamasına inandırmaq cəhdidir! Yoxsa təkrar-təkrar müzakirələr oldu nə, olmadı nə. Bunun elmlə heç bir əlaqəsi yoxdur və bu praktikaya Famil müəllimin özü də yaxşı bələddir, çünki öz avtoreferatı da bu mənasız mənzərəni təsvir edir. Yüz elə avtoreferat, nəverim dissertasiyalar, gurultulu təqdimatı keçirilən "şedevrlər" yığını Azərbaycan qanunlarının fövqündə ola bilməz!
Hərəniz bir tərəfdən bir vəzifə mundiri geyinib düşmüsünüz biçarə QANUNUN üstünə, vur ki vurasınız. İnsafınız olsun, imkan verin, QANUNLAR fəaliyyət göstərsin!
Bu günlərdə bir həmkarla görüşdə cənabi-ali Famil Mustafayev buyurub ki, dissertantların təkrar müzakirəyə girməsi AAK-dan müdafiəyə icazə alınması prosedurunun əvəzidir. Bərəkallah! Doğrudanmı, AAK sədri bu qədər bəsit düşünür? Bu, mal tədavülü və təbadülü deyil, Famil müəllim, vallah, heç əmtəə mübadiləsi də deyil! Bu, alınıb-satılmayan QANUNDUR! Məsələn, sadə dillə desək, bu, Xırdalanda 3 evin əvəzinə dəniz kənarında 2 bahalı mənzil alıb irəli, yaxud geri düşmək məsələsi deyil. Qanun hamının riayət etməli olduğu icbari, həm də müqəddəs bir kodeksdir!
Təbii ki, atılan bu addımlar özünə bəraət qazandırmaq və edilən qanunsuzluqları asanca ört-basdır etmək cəhdidir!
Cənabi-möhtərəm Famil Mustafayev! Məgər sizin qanunsuz əməllərinizin nəticəsi deyildimi onlarla vətəndaşı ölkə Prezidentindən kömək istəməyə vadar edən?! Onlar sizin qeyri-qanuni qərarlarınız ucbatından Azərbaycan Respublikasının Prezidentinə və Birinci vitse-prezidentə məktublar ünvanlamaq məcburiyyətində qaldılar...
Məqami-ali, hörmətli Famil Mustafayev! Heç olmasa, ölkə başçısına müraciətdən sonra narazılığa səbəb olan addımınızdan geri çəkiləydiniz!
Qərarlarınızda Prezidentin adı ilə manipulyasiya etməyinizə indi haqq qazandırırsınız, deyilmi?! Deyəsən, niyyətləriniz gerçəkləşir, hə? Prezidentdən izn alıb qərar çıxardığınızı desəniz (zatən qərarda onun adından sui-istifadə etmisiniz), buna məlumatsız vətəndaşları inandıra bilərsiniz. Yəni bu qədər zərərli bir yolda olduğunuzun fərqində deyilsiniz.
Famil Mustafayevin fəaliyyətindəki "peşəkarlığ"ın anatomiyasına ötəri nəzər saldıqda nələr üzə çıxmır, pərvərdigara?! Deməli, o, ölkə Prezidentinin adını çəkərək qanunsuz qərar çıxarıb narazı insanlar kütləsi yaradır və onların şikayətlərinə, haqq səslərinə məhəl qoymur. Ümidləri üzülən və AAK sədrinin çıxardığı qərarın Konstitusiya və qanunlara zidd olduğuna əmin olan həmin vətəndaşlar Prezidentə poçtla və ictimai qaydada müraciətlər edirlər.
Cənab F.Mustafayev! Bir az düşünün, əgər bütün işləri bir nəfər Prezident görə biləcəkdisə, onda sizlər nəyə lazımsınız? Axı vəzifə sizlərə əmanət edilib. Siz isə nədənsə qanunu sövdələşmə və ya başqa bir şey kimi başa düşürsünüz.
Çox yaxşı bilirsiniz ki, siz və vəzifəyə münasibətdə sizin xasiyyətdə olan şəxslərin etdikləri bütün qanunsuzluqlar peşəkar fəndləriniz sayəsində ölkənin birinci şəxsinin üzərinə yönəlir. Özünüzmü belə edirsiniz, yoxsa doğrudan da, kimsə sizi bu qəbih işə vadar edir? Hər iki halda sizə haqq qazandırmaq mümkün deyil.
Siz və sizin kimi vəzifə məsuliyyətini bilməyib ölkənin reputasiyasını korlayan və ölkə başçısının imicinə xələl gətirən bəzi akademik-alimlərin yerinə, icazə verin, biz xəcalət çəkək. Ayıbdır, vallah!
Bütün problemləri ustalıqla bir nəfər şəxsin üzərinə yıxmağı, sonra rahat və xudmani həyat sürməyi özünüzə rəva görə bilməyinizi, düzü, anlamıram! Bu, heç bir dinə, fəlsəfəyə, əxlaqa, ehkama, dövlət ədəb-ərkanına və insanlığa sığmır...
Əminəm ki, bu əməllər bir gün diqqəti cəlb edəcək və vəzifə fəaliyyətiniz, yaxud fəaliyyətsizliyiniz araşdırılacaq. Etdiklərinizin mükafatını mütləq alacaqsınız!
Vəzifə səalhiyyətlərindən sui-istifadə edib hansısa sövdələşmələrə meyillənmək əvəzinə, çıxardığınız yanlış qərarın ləğvi üzərində düşünün!
http://www.aak.gov.az/single/513
http://www.aak.gov.az/single/512
İdris Abbasov
filologiya elmləri doktoru, professor