|
|
 |
 |
|
Tağı Əhmədova 2 milyon "atan" AXTARIŞA VERİLDİ - FOTO
Tağı Əhmədova qarşı 2 milyonluq dələduzluq edən şəxs axtarışa verilib.
Millət vəkili, kimin vəkili olduğunu unutma..
. Könül Nurullayevanın mövqe qərarsızlığı cəmiyyətdə hələ də müzakirə olunur Əlbəttə, bu gün istər dünyada, istərsə də ölkəmizdə cərəyan edən hadisələr, gedən proseslər bir-birini elə sürətlə təqib edir ki, artıq nəinki dünən, hətta günün birinci yarısında baş vermiş olayla axşam xəbərlərində kimisə təəccübləndirmək demək olar ki, mümkün deyil. Amma bu, daha çox gündəm yaratmaq və izləyiciyə sensasiya təqdim etmək məqsədi güdənlərin sıxıntısıdır. Əsl problemli məsələlər isə cəmiyyətdə bir və ya bir neçə gün deyi, həmin problemin öz həllini tapdığı ana qədər müzakirə oluna bilərlər və olunurlar da. Doğrudur, əksər hallarda yeni gündəmlər həmin problemi də müəyyən qədər arxa plana sıxışdıra bilirlər. Lakin cüzi bir təkan məsələnin yenidən diqqət mərkəzinə qayıtmasına səbəb ola bilir. Milli Məclisin deputatı Könül Nurullayeva bu gün özünün rəsmi facebook səhifəsində “Azərbaycanla Avropa İttifaqı arasında münasibətlərdə yeni prioritetlər müəyyənləşib” sərlövhəli yazı paylaşıb. Yazıda Prezident İlham Əliyevin Aİ-nin region üzrə xüsusi nümayəndəsi T.Klaar ilə görüşündə müzakirə olunan məsələlərə dair fikirlər bildirilib. Daha dəqiq desək, bu məqalədə artıq hər kəsə məlum olan faktlat təkrar qeyd olunmaqla, əslində heç bir yeni təhlil nəticəsi təqdim edilmir. Amma bizim toxunmaq istədiyimiz məqam bununla da bağlı deyil. Məsələ bundadır ki, məqalədə Aİ-nin Azərbaycana müxtəlif layihələrin dəstəklənməsi üçün iki milyard avro dəyərində güzəştli kredit xətti ayırmasını əlaqələrin müsbət inkişafının göstəricisi kimi dəyərləndirən millət vəkili nədənsə bu inkişafa nail olmaq üçün, Avropa ilə münasibətlərimizin məhz bizim maraqlarımıza cavab verən məcraya yönəlməsi üçün Azərbaycan Prezidentinin göstərdiyi səylərin önəmini qeyd etməyi unudur. Axı biz hamımız yaxşı xatırlayırıq ki, hələ cəmi iki ay bundan öncə təkcə Azərbaycanda deyil, həmçinin Avropanın media məkanında da səs-küylü müzakirəyə səbəb olan mövzulardan biri də Avropa İttifaqı tərəfindən Ermənistana 2,6 milyard dollar, Azərbaycana isə cəmi 140 milyon avro həcmində dəstək paketini elan etməsi ilə bağlı idi. Prezident İlham Əliyev isə İtaliyanın “İl Sole 24 Ore” qəzetinə verdiyi müsahibəsində jurnalistin bu məsələ ilə bağlı verdiyi sualı cavablandırarkən belə demişdi: “... Bu, ədalətlidirmi? Xeyr. Bu, hər iki ölkənin real ehtiyaclarına müvafiqdirmi? Xeyr. Hətta azad olunmuş ərazilərdə Ermənistan tərəfindən törədilmiş dəhşətli dağıntıları kənara qoysaq belə, hər iki ölkənin əhalisinin sayına nəzər salsaq, görərik ki, fərq 5 dəfədən çoxdur – Azərbaycanın əhalisi 10 milyon, Ermənistanda isə 2 milyon. Bundan əlavə, işğal illəri ərzində Livanın sahəsinə bərabər ərazilər tamamilə dağıdılıb.” Həqiqətən də, görəsən Avropa Komissiyası niyə belə bir ədalətsiz qərar qəbul etmişdi? Düzdür, Azərbaycan çox dəfələrlə belə ədalətsizliklərlə üzləşib. Amma, bəlkə məhz bu dəfə Aİ-nin bu qərarı əsaslandıracaq hansısa xırdaca bir dəlili, həm də məhz Azərbycandan qaynaqlana biləcək bir dəlili olub? Məsələn, bir azərbaycanlı deputatın xarici telekanallara verdiyi müsahibəsində Ermənistanın maddi durumu ilə bağlı təəssübkeş ifadələr səsləndirməsi belə bir arqument rolunu oynaya bilərmi? Bəli, söhbət məhz millət vəkili Könül Nurullayevanın 2020-ci il noyabrın 12-də Türkiyənin TV Net telekanalına verdiyi müsahibəsində səsləndirdiyi bəzi fikirlərdən gedir. Doğrudur, həmin vaxt bu məsələyə dərhal Milli Məclisin İntizam komissiyasının iclasında baxılmış və deputat Könül Nurullayeva barəsində töhmət intizam tədbirinin tətbiq edilməsi haqqında qərar qəbul edilmişdi. Lakin problem mahiyyət etibarı ilə həll olundumu? Əlbəttə ki, yox. Çünki, ölkəmizdə bir millət vəkilinin təmsil etdiyi bir neçə min insanın “rəsmi İrəvanın Azərbaycana təzminat verməsi önəmli deyil” düşüncəsində olması tamamilə absurd fikirdir. Bəs belə olduğu halda həmin deputat bu insanları necə təmsil edə bilir? Və ən əsası, kim zəmanət verir ki, həmin millət vəkili gələcəkdə və bəlkə də daha həssas mövzularda dövlətimizin siyasətinə və xalqın iradəsinə zidd fikirlər səsləndirməyəcək?
Hüseynbala Mirələmov sükutu pozdu: - "Həyat davam edir..."
DİA.AZ xəbər verir ki, qalmaqallı videodan sonra YAP-dakı vəzifəsindən uzaqlaşdırılan sabiq deputat Hüseynbala Mirələmov Cebhe.info-ya müsahibə verib.
Azərbaycanda həkimlər arasında qalmaqal: “Atası yaşındasan, qızı niyə otağa salmışdın?” - VİDEO
Bakıda yerləşən xəstəxanaların birində həkimlər arasında xoşagəlməz hal yaşanıb.
Cavanşir Feyziyev jurnalistləri təhqir etdi - Yenilənib
Xəbər verdiyimiz kimi, bir neçə gündür media və sosial şəbəkələrdə deputat Cavanşir Feyziyev və ailəsinə məxsus London məhkəməsində müsadirə olunan 5 milyon funt-sterlinq müzakirə olunur. Maraqlıdır ki, C.Feyziyev məsələ ilə bağlı səhəri gün müsahibə verərək məlumatı təsdiqləsə də, bu gün yenidən geniş açıqlama yayıb. Milli Məclisin deputatı, Mətbuat Şurasının üzvü olan və ziyalı olduğunu elə bu yazıda iddia edən C.Feyziyev jurnalistlərin adını çəkərək təhqir edib.
Qapısı ölümə açılan evlər: Neft kəmərinin üstündə mülk tikilir? - FOTO/VİDEO
Sabunçu rayonunda yerləşən mədən ərazilərində, neft kəmərlərinin mühafizə zonasında yaşayış evlərinin tikilməsi geniş vüsət alıb.
Nəriman Əliyevin ağac kəsdirməsi ilə bağlı araşdırma başladı
Bakıda Nərimanov rayonunda qanunsuz ağac kəsilməsi ilə bağlı Ekologiya və Təbii Sərvətlər Nazirliyindən daxil olan materiallar əsasında Baş prokurorluqda araşdırma başlanılıb.
“Azərsu”nun əməkdaşları Ağdam və Füzulidə təhqir və fiziki təzyiqlə üzləşib - RƏSMİ AÇIQLAMA
“Azərsu” Açıq Səhmdar Cəmiyyəti tərəfindən içməli su və tullantı su xidmətlərinə görə ödəniş səviyyəsinin yüksəldilməsi və debitor borc probleminin həlli məqsədilə zəruri tədbirlər görülür. Abonentlərin ödənişə cəlb edilməsi məqsədilə maarifləndirmə və təbliğat işləri gücləndirilsə də bəzi abonentlər hələ də göstərilən xidmətlərə görə ödəniş etmək istəmir, bu azmış kimi xidməti vəzifələrini yerinə yetirən “Azərsu” ASC-nin əməkdaşlarına qarşı kobud rəftar edir, təhdid və fiziki təzyiqlərə məruz qoyurlar. Ağdam və Füzuli rayonlarında “Azərsu” ASC-nin əməkdaşları xidməti vəzifələrini yerinə yetirərkən təhqir və fiziki təzyiqlə üzləşiblər.
Ağdam rayonu Quzanlı qəsəbəsində ayrı-ayrı təsərrüfatlarda yaşayan Zaur Quliyevin 340 manat, Zamin Quliyevin 488 manat 45 qəpik, İlqar Quliyevin 351 manat borcu, Qaytaran Quliyevin adına olan abonent kodu üzrə isə 415 manat 90 qəpik debitor borc yaranıb. Həmin abonentlərlə dəfələrlə fərdi söhbətlər aparılıb və ödəniş olunmasının vacibliyi diqqətlərinə çatdırılsa da, buna əhəmiyyət verməyiblər və ödəniş etməyiblər. Ağdam Sukanal Sahəsinin mühəndisi Etiqad Səmədli borc ödənilməyəcəyi təqdirdə suyun kəsiləcəyi ilə bağlı sonuncu dəfə bildiriş təqdim edərkən həmin abonentlər tərəfindən fiziki təzyiqlərə məruz qalıb.
Füzuli rayonunun Horadiz şəhərində isə yerli sukanal idarəsinin əməkdaşı Nəbi Abbasov xidməti vəzifəsini yerinə yetirərkən abonent Cavid Xalyəddinovun ağır təhqirlərinə məruz qalıb. Horadiz şəhər sakini C.Xalyəddinov 303 manat borcunu ödəməkdən imtina edib və onunla aparılan maarifləndirici söhbət xoşagəlməz sonluqla nəticələnib. Hər iki faktın araşdırılması üçün hüquq-mühafizə orqanlarına müraciət olunub.
“Azərsu” ASC-nin bildiriş təqdim edən əməkdaşları xidməti vəzifələrini yerinə yetirir və onlara qarşı hər hansı təhqir və təzyiq yolverilməzdir və belə hallar baş verərsə “Azərsu” ASC tərəfindən hüquq-mühafizə orqanlarına müraciət olunacaq. “Azərsu” ASC bir daha istehlakçıların diqqətinə çatdırır ki, göstərilən xidmətin səviyyəsi ödənişlərin vaxtında edilməsindən asılıdır.
Abonentlərin diqqətinə çatıdırıq ki, yaranmış debitor borcların hissəli ödəniçinə də şəarait yaradılır. Bunun üçün abonent yerli sukanal idarəsi və ya sahəsinə müraciət edərək razılaşma protokolu imzalamalı və götürdüyü öhdəliyə uyğun olaraq borcunu hissə-hissə ödəyə bilər.
Psixiatriya Xəstəxanasında pasiyent döyülüb? - RƏSMİ
Səhiyyə Nazirliyi 1 nömrəli Respublika Psixiatriya Xəstəxanasında A.R (ad şərtidir) adlı vətəndaş döyülüb.
Rəsul Quliyev Bakıya qayıdır?
Milli Məclisin eks-spikeri, keçmişdə Azərbaycan müxalifətinin liderlərindən biri, mühacirətdə olan Rəsul Quliyev Azərbaycana qayıtmasını istisna etməyib.