Vasif Talıbovun topdağıtmaz holdinqi: İnhisarçı şirkətlər nə ilə məşğuldurlar?





Naxçıvan Ali Məclisinin sabiq sədri Vasif Talıbova məxsus “Gəmiqaya Holdinq” şirkətinin onun əlindən alındığı və adının dəyişdirildiyi təsdiqlənib.

 

Vasif Talıbovun oğlu Rza Talıbovun uzun müddət rəhbərlik etdiyi “Gəmiqaya Holdinq” bundan sonra “Arkoz Holdinq” adlanacaq. Bu gün şirkətə Bakıdan rəhbər təyin ediləcəyi gözlənilir.

 

Bəs “Gəmiqaya Holdinq” şirkətlər qrupu hansı sahələrdə fəaliyyət göstərirdi?

Modern.az saytı ictimaiyyətin məsələyə marağını nəzərə alaraq “Gəmiqaya Holdinq”lə bağlı kiçik bir araşdırma aparıb.

Vasif Talıbovun bu topdağıtmaz holdinqi ilə bağlı faktları oxuculara təqdim edirik:

Baş ofisi Naxçıvan şəhərində yerləşən “Gəmiqaya Holdinq” 2008-ci ilin dekabr ayında təsis edilib. Bu holdinq hazırda 14 şirkəti özündə birləşdirir. Həmin şirkətlər Azərbaycanda və digər ölkələrdə tikinti, sənaye, qida, ticarət və aqrar sahələrdə fəaliyyət göstərir.

Holdinqin istehsal etdiyi məhsullar xarici bazarlara da çıxarılır.

Məlumatlara görə, “Gəmiqaya Holdinq” məhz Vasif Talıbovun səlahiyyətlərinə arxalanmaqla Naxçıvan bölgəsində müxtəlif sahələrdə inhisarçı qurum olaraq fəaliyyət göstərib. Yəni uzun illər “Gəmiqaya Holdinq”ə rəqib şirkət yaradılmasına imkan verilməyib.

Məsələn, bölgədə mebel istehsalı ilə bu holdinqdən başqa, heç kim məşğul ola bilməzdi. Onun məhsulları “Bellisa mebel” brendi adı altında bazara çıxarılır.

“Gəmiqaya Holdinq” Naxçıvan MR ərazisində un istehsalını da inhisara almışdı. “Gəmiqaya Taxıl Məhsulları Sənaye Kompleksi” MMC-də “Bərəkət qida” brendi ilə ildə 11 milyon kiloqram un istehsal olunur.

Holdinqin nəzdindəki “Gəmiqaya Qida Sənaye Kompleksi” MMC “Bərəkət qida” brendi ilə un, süd, çörək, makaron, şirniyyat, ət, meyvə suyu, şərab məhsulları istehsalının inhisarçı şirkəti olub. “Badamlı” əmtəə nişanlı meyvə suları, “Mirvari” və “Qızıl damla” adlı şərablar da burada istehsal olunur.

Naxçıvan bölgəsində taxıl tədarükü də yalnız “Gəmiqaya Holdinq”ə məxsus olub.

Holdinq Naxçıvanda kərpic və daş, heyvan yemi istehsalı kimi gəlir gətirən sahələrə də təkcə nəzarət edib.

“Naxçıvan Taxıl Məmulatları Sənaye Kompleksi” MMC heyvandarlıq və quşçuluq üçün yem istehsalında uzun illərdir rəqabət olmadan fəaliyyət göstərir.

“Gəmiqaya Holdinq”in tərkibində fəaliyyət göstərən “Dekoria” alış-veriş mərkəzi, “Elit 57” ticarət mərkəzi, “Gəmiqaya Toxum Market” ən böyük obyektlərdən sayılır.

2006-cı ildən fəaliyyət göstərən “Gəmiqaya Heyvandarlıq Kompleksi” müəssisəsi 10 hektar ərazidə 5 tam təchizatlı tövləyə sahibdir. Heyvandarlıq kompleksi də əsasən südlük və ətlik cinslər olan Holişteyin Friz (ağ-qara), Simmental (qırmızı), Şvis (boz) heyvanları saxlanılır.

Həmçinin kompleksin ümumi sahəsi 97 hektar olan əkin sahəsi də mövcuddur ki, bu sahələrdə təsərrüfatın tələbatına uyğun olaraq silos, buğda, arpa, yonca və digər yem bitkiləri tədarük edilir.

Bu kompleksdə əldə olunan süd və ətdən müxtəlif qida məhsulları istehsal olunur.

“Gəmiqaya Holdinq” “Naxçıvan Sement Zavodu” MMC, “Naxçıvan Tikinti Materialları İstehsalı Kompleksi”, “Gəmiqaya Sənaye Kompleksi” MMC, “Gəmiqaya Nəqliyyat” MMC, “Gəmiqaya Beton Məmulatları Kompleksi” MMC, “Gəmiqaya Kərpic Kompleksi” MMC, “Gəmiqaya Daş Məhsulları Sənaye Kompleksi” MMC, “Gəmiqaya Plastmas Kapsul və Qapaq” MMC, “Gəmiqaya Mebel Fabriki” MMC kimi şirkətləri özündə birləşdirir.

Bölmənin digər xəbərləri

29 Mart 2023 “Ətin sümüyünü bişirirlər, özünü aparırlar” - Bakıdakı uşaq evində nələr baş verir? + VİDEO
29 Mart 2023 Bakıda əyləncə parkında dağılan fontan təhlükə saçır - VİDEO
07 Mart 2023 "İnstpower" fırıldağı - Minlərlə vətəndaş pul itirdi
24 Fevral 2023 “Neolit”in rəhbəri ağacları qanunsuz kəsdirib
09 Sentyabr 2022 75 il əvvəl tikilən və heç vaxt təmir olunmayan təhsil ocağının acınacaqlı durumu - VİDEO
07 Sentyabr 2022 Nazir: “Bəzi müəllimlər anbar sözünü “ambar” kimi yazırlar”
09 Avqust 2022 Müştərinin pulunu alıb, “girov saxlayan” “Oberlux Nabran” hotelindən AÇIQLAMA: “Şikayətçidirlər, lap yaxşı”
27 İyul 2022 “Qobu Park-1”də qalaq-qalaq yığılan tullantılar niyə təmizlənmir? - FOTO/VİDEO
26 İyul 2022 Bakıdakı yaşıllıq ərazidə ağaclar kəsilir, zibillər qalaqlanır - FOTOREPORTAJ
25 İyul 2022 HÖKMƏLI DAIRSƏINDƏKI BIABIRÇILIĞA SON QOYAN TAPILACAQMI?
01 İyul 2022 Bakının bu qəsəbəsini ağcaqanadlar basıb - Video
22 İyun 2022 Xəzərin sahilindəki qanunsuz hasar və tikililər sökülür - FOTO
16 İyun 2022 Bakıda ağacları kəsərək doğrayıb aparırlar - VİDEO
02 İyun 2022 Bakıda uşaqların döyüldüyü sığınacağın adı məlum oldu
27 May 2022 Ucarda avtovağzalı ləğv edib, yerində market açırlar - FOTO
23 May 2022 HÖKMƏLİ DAİRƏSİNDƏ BİABIRÇILIQ…
11 May 2022 Xəzər sahilindən tonlarla qumun daşınmasının görüntüləri - VİDEO
10 May 2022 Bakıda sakinlərin yaratdığı İYRƏNC MƏNZƏRƏ - VİDEO
29 Aprel 2022 Bakıda məşhur xəstəxanada İYRƏNC MƏNZƏRƏ - FOTO
27 Aprel 2022 Kilosu 50-80 manata satılan meyvələr - VİDEO

Xəbər lenti