Tənqidi sevmək və qəbul etmək indiki dövrdə hər məmurun, nazirin, deputatın işi deyil. Bu gün cəmiyyətimizdə neçə nazir və ya məmur tənqidə açıqdır? Amma tərif və ya mədh məzmunlu yazıları yazanı da, yayımlayanı da özlərinə “dost” elan edirlər. Hər tədbirlərində yerləri yuxarı başda olur. Vay o gündən ki, hansısa ən kiçik məmurdan kiçicik tənqid yazasan, o saat çevirilirsən, asi düşmənə. Nə sənə açıqlama verir, nə tədbirlərə dəvət edir, dərhal da yazının, hətta sosial şəbəkədə yazılan rəyin silinməsini tələb edirlər.
Əslində insan faktoru olan yerdə mütləq şəkildə problem və bu problemi çözmək üçün sağlam tənqid olmalıdır. Bizim məmurlar isə yuxudan duran kimi qəzetlərdə, saytlarda, internet resurslarında özləri barədə mədhiyyə oxumaq istəyirlər.
Bu istək nədən doğur? Yalançı tərif və ya həqiqi tənqid işgüzarlıq göstəricisidir? Yaxud, cəmiyyət tənqidlə ya təriflə inkişaf edir?
“Tənqidi qəbul etməyən məmurların troll dəstəsi var”
Milli Məclisin deputatı Aqil Abbas Modern.az-a açıqlamasında məsələyə münasibət bildirərkən, Nikita Xruşovun sözünü yada salır:
“Tənqid hamamdakı kisə kimidir. Nə qədər çox tənqid olarsa, sən daha da təmiz olarsan. Bu Xruşovun sözüdür. Tənqid olmasa cəmiyyətdə, dünyada heç nə düzəlməyəcək”.
Deputat məmurların tənqiddən qorxduğunu vurğulayıb:
“Mən bütün haqlı tənqidi qəbul edirəm, oxuyuram. Çoxları bu gün tənqiddən qorxur. Əslində bu sual məncə onlara verilməli idi. Mən heç vaxt tənqiddən çəkinməmişəm, qorxmamışam. Amma haqsız tənqid olanda hirslənirəm. Məmur, yüksək vəzifə sahibi tənqid olunan halı aradan qaldırmalı, düzəltməlidir. Saçı pis görsənirsə, güzgünü vurub qırmalı deyil, saçını düzəltməlidir. Tənqidə qarşı çıxmaq güzgünü vurub qırmaq deməkdir”.
A.Abbas bildirib ki, tənqidi qəbul etməyən məmurların troll dəstəsi var:
“Troll məsələsi bu gün çox ciddidir. İndi hamısının trollu var. Sən istədin, istəmədin o trollar sənə, yazdığın yazıya qarşı çıxacaqlar. Hər yerdə, sosial şəbəkələrdə insanları sənə qarşı yönəldəcəklər. Tərifli yazıları paylaşıb yaymaqla, guya rəhbərlərini işgüzar kimi qələmə verirlər. Cəmiyyətin və dünyanın inkişafı üçün tənqid mütləq və vacibdir”.
Tənqidə qarşı dözümsüz olmaq uşaqlıqdan alınan tərbiyə ilə bağlıdır
Psixoterapevt Elmir Əkbər tənqidi qəbul etməməkdə vəzifənin deyil, uşaqlıq travmasının önəmli olduğunu bildirib:
"Ola bilər ki, yüksək vəzifədə olan biri tənqidi sevir və ya əksinə, heç bir vəzifəsi olmayan insan tənqidi qəbul etmir. Bu eynən ərköyünlük kimi bir şeydir. Məsələn, bəzi insanlar elə bilirlər ki, ərköyünlük ancaq varlı ailələrin uşaqlarına məxsusdur. Amma deyərdim ki, bu belə deyil. Kasıb ailələr var ki, uşaqları çox ərköyündür.
Tənqidə münasibət də insanın təbiətindən, xarakterindən, şəxsiyyətinin quruluşundan asılıdır. Tənqidə qarşı dözümsüz olmaq uşaqlıqdan alınan tərbiyə ilə bağlıdır. Bəzi ailələr övladını həddindən artıq tənqid edir və insan bundan travma alır. Bəzi ailələr övladlarını yersiz yerə ancaq tərifləyirlər. Hər iki halda insan böyüyəndə tənqidə qarşı dözümsüz olur. Ən əsası uşaq vaxtı çox danlananlar böyüyəndə tənqidə qarşı dözümsüzlük nümayiş etdirirlər. Kimsə onları haqlı yerə tənqid edəndə belə, onlar uşaq vaxtı valideynlərinin onun danlamasını xatırlayır.
Ömrü böyu səhvi göstərilməyən, ərköyün böyüyən uşaqlarda da tənqidi qəbul etmək vərdişi yoxdur. Ona görə də valideynlər övladlarına balanslaşdırılmış, psixoanalitik bir tərbiyə verməlidirlər. Uşaqlara körpə yaşından uduzmağı, tənqidi qəbul etməyi öyrətmək lazımdır. Ən əsası da tənqiddən doğru nəticə çıxarıb, öz səhvlərini görməyi bacarmalıdılar. Çünki tənqidə qarşı dözümsüz olan insanın gələcəkdə inkişafı olmayacaq. Tənqid bizim səhvlərimizi düzəldib, daha da inkişaf etməmiz üçün lazımdır”.
|
|
 |
 |
|
Gəncə şəhər 2 saylı Birləşmiş Uşaq xəstəxanasında xəstələr seçim qarşısında qalırlar – müayinə, yoxsa müalicə...
Bəzi pasiyentlər iddia edirlər ki, bu tibb müəssisəsində təyin olunan bütün çoxsaylı və lazımsız müayinə və təhlillərdən keçdikdən sonra xəstənin artıq dərman almağa belə pulu qalmır
Bu gün Azərbaycanda səhiyyə xidmətlərinin yüksək səviyyədə təşkili dövlət tərəfindən müəyyən edilmiş əsas prioritet istiqamətlərdən biridir. Ölkə rəhbərliyinin və birbaşa prezident İlham Əliyevin tapşırıq və göstərişlərinə əsasən ölkəmizdə yeni tibb müəssisələrinin inşası, eləcə də mövcud səhiyyə ocaqlarının əsaslı təmir edilərək tamamilə yeni bir formatda vətəndaşlarımızın xidmətinə verilməsi artıq çoxdan bir ənənə halını almışdır. Sevindirici haldır ki, bu proses təkcə paytaxt Bakıda deyil, həmçinin rayon və bölgələrimizdə də sürətlə gedir. Digər tərəfdən də ölkənin Səhiyyə sistemində həyata keçirilən önəmli kadr islahatları ayrı-ayrı tibb müəssisələrinin işində dönüş yaradılmasına yeni imkanlar açır.
Lakin bütün bu mütərəqqi proseslərin və dinamik inkişafın fonunda təəssüflər olsin ki, hələ də bəzi səhiyyə müəəssisələrinin köhnə qaydalarla işləməyə davam etdiklərini müşahidə edə bilirik. Aydındır ki, istənilən bir müəssisənin işində dönüş yaradılması bilavasitə bu müəssisəyə rəhbərlik edən şəxsin öz işinə münasibətindən də çox asılıdır. Əgər müəssisənin rəhbəri məsuliyyətlidirsə, dövlət tərəfindən onun və rəhbərlik etdiyi kollektivin qarşısında qoyulmuş tələb və vəzifələri düzgün qiymətləndirə bilirsə və ən əsası, çalışdığı sahədə dövlətimizin həyata keçirdiyi siyasəti dəstəkləyirsə, bu zaman bütün işlər də qaydasında olacaq. Əks halda isə...
Etiraf olunmalıdır ki, bu gün baş həkim Hafiz Abdullayevin rəhbərlik etdiyi Gəncə şəhər 2 saylı Birləşmiş Uşaq xəstəxanasının fəaliyyətində müşahidə olunan bəzi neqativ hallar da bu müəssisənin ölkəmizin səhiyyə sistemində gedən ümumi inkişafla, həyata keçirilən müasirləşdirmə və təkmilləşdirmə yönümlü islahatlarla ayaqlaşdığını söyləməyə imkan vermir. İlk növbədə diqqəti çəkən xoşagəlməz məqamlardan biri budur ki, xəstəxananın otaqları (palatalar) demək olar ki, tam təmirsiz bir vəziyyətdir. Halbuki, bu məqsədlər üçün dövlət tərəfindən Gəncənin bütün digər tibb müəssisələri kimi, 2 saylı Birləşmiş Uşaq xəstəxanasına da kifayət qədər vəsait ayrıldığı məlumdur. Bəs görəsən belə olan halda xəstələr, həm də xəstə uşaqlar niyə təmirsiz və şəraitsiz otaqlarda qalmalı və müalicə almalıdırlar?
Gəncə şəhər 2 saylı Birləşmiş Uşaq xəstəxanasının fəaliyyətilə bağlı yaranan və bu müəssisənin əksər pasiyentlərini narahat edən suallardan biri də müayinə prosedurları ilə bağlıdır. Aydındır ki, hər hansı bir xəstənin düzgün müalicə olunması üçün ilk növbədə onun müəyyən müayinələrdən keçməyi, bəzi analizlər verməyi tələb olunur. Bu müayinələri də həkim təyin etməlidir. Əlbəttə ki, məqsədyönlü şəkildə. Razıyam, bu sətirlərin müəllifi tibb sahəsi üzrə mütəxəssis deyil, bununla belə düşünmürəm ki, həkimə qulaq ağrısı ilə müraciət edən xəstənin ağ ciyərlərinin rentgen müayinəsi və yaxud da deyək ki, təngnəfəsliyi olan birinin kəllə beyninin tomoqrafiyası lazım olmuş olsun (bu müqayisələr sözgəlişi istifadə edilib – red.). Bu gün Gəncə şəhər 2 saylı Birləşmiş Uşaq xəstəxanasına müraciət edən xəstələr də həkimlər tərəfindən həddindən çox müayimə və analizlərin təyin oluduğundan narazıdırlar. Bəzi hallarda bu müayinələrin açıq-aşkar lüzumsuzluğu heç kimdə şübhə doğurmasa da uşaqlarının səhhətindən əmin olmaq istəyən valideynlərin əksəriyyəti buna etiraz edə bilmirlər. Həkimlər isə bu həssas məqamdan istədikləri kimi yaralanırlar. Nəticədə isə, maliyyə vəsaitləri tükənmiş bəzi valideynlər artıq müalicə prosesini “axsatmalı” olurlar. Bəzi dərmanlar ixtisara salınır, bəziləri gecikdirilir, bəziləri də daha ucuzları ilə əvəz edlir ki, bütün bunlar da uşaqların tam sağalmasını ləngidir və ya ümumiyyətlə sual altına qoyur.
Ümid edək ki, Gəncə şəhər 2 saylı Birləşmiş Uşaq xəstəxanasının baş həkimi Hafiz Abdullayev də bu sətirləri oxuyacaq və göstərilən nöqsanların aradan qaldırılması yönümündə lazım olan təxirəsalınmaz tədbirlərin həyata keçirilməsini təmin edəcək.
Vəli Tərtərçaylı
“Kazbek” marketdə şirniyyatdan qurd çıxdı - AQTA yoxlama keçirdi
Azərbaycan Qida Təhlükəsizliyi Agentliyinin (AQTA) əməkdaşları istehlak zamanı şirniyyat məhsulundan qurd çıxması ilə bağlı KİV-də yayılan məlumat əsasında Bakı şəhəri, Yasamal rayonu, Hüseyn Cavid pr., ev “Q”, 556/557-ci məhəllə, m.1 ünvanında yerləşən, fiziki şəxs Nağıyev Araz Fazil oğluna məxsus “Kazbek” marketdə plandankənar yoxlama keçirib.
AQTA-dan BAKU.WS-ə verilən məlumata görə, yoxlama zamanı marketdə qida təhlükəsizliyi sahəsində texniki normativ hüquqi aktların, sanitar norma və qaydaların tələblərinin pozulduğu aşkar edilib.
Belə ki, marketdə mal qonşuluğu prinsipinin pozulduğu, temperatur rejiminə əməl olunmadığı, həmçinin işçi heyətin dövri olaraq tibbi müayinədən keçmədiyi, dezinfeksiya, deratizasiya və dezinseksiya işlərinin aparılmadığı müəyyən edilib. Aşkar olunmuş faktla bağlı qanunvericiliyə uyğun müvafiq tədbirlər görülüb, müəssisə rəhbəri inzibati məsuliyyətə cəlb olunub.
AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir.
Məmur: "Ata Abdullayevə quzu təklif etdim, götürmədi, 10 min manat istədi"
Bu gün Bakı Ağır Cinayətlər Məhkəməsində hədə-qorxu ilə tələb etmədə təqsirləndirilən Ata Abdullayevin cinayət işi üzrə məhkəmə iclası davam etdirilib.
Tusi klinikasında ölüm - Həkim səhvi
N.Tusi adına klinikada əməliyyat olunun xəstə vəfat edib.
Dərdi özündən böyük Mirzə ağa Əliyev küçəsi - VİDEO
Ucarın Mirzə Ağa Əliyev küçəsi ötən əsrin ortalarında salınıb. Hazırda burada 30-a yaxın ailə yaşayır. Küçənin sağ və sol tərəfində olan yaşayış evlərini su kanalı ayırır.
Ağstafa Regional Mədəniyyət İdarəsində köhnə hamam, köhnə tasdır
İ
şğal altında olan ərazilərimizin düşmən tapdağından azad olunmasından dolayı görüləsi işlər sırasında Mədəniyyət Nazirliyinin də üzərinə mühüm vəzifələr düşür. Təkcə Azərbaycanın mədəniyyət beşiyi olan Şuşada həyata keçirilməsi gərəkən işləri nəzərə alanda, onların həqiqi miqyası barədə təsəvvürlər genişlənir. Görəsən Əbülfəs Qarayevin qalmaqallı gedişindən sonra, bu ilin yanvar ayında Prezident İlham Əliyevin imzaladığı Sərəncam əsasında nazir vəzifəsinə təyin olunmuş Anar Qabil oğlu Kərimov bu işlərin öhdəsindən lazımınca gələ biləcəkmi?
Əslində bu başqa bir söhbətin mövzusudur. Anar Kərimov nazir təyin olunandan sonra atdığı ilk addımlar kadr dəyişiklikləri olmuşdur. O, həm Nazirlikdə, həm regional mədəniyyət idarələrində müəyyən vəzifələrə gənc, perespektivi kadrları təyin etdi. İrəli çəkdiyi kadrlardan biri də Ağstafa Regional Mədəniyyət İdarəsinə rəis təyin olunan 1986-cı il təvəllüdlü Əli Elbəy Akif oğlu oldu. Əli Elbəyin idarə rəisi keçəndən sonra özü ilə gətirmiş olduğu “kreativ” ideyaları həyata keçirdiyi barədə iulginc məlumatlar dolaşır.
Redaksiyamıza daxil olan informasiyada xatırlanır ki, əsasnaməyə görə hər bir işçi müəssisə rəhbəri tərəfindən işə qəbul olunur və işdən də müəssisə rəhbəri tərəfindən azad olunur. Ancaq təzə rəis “köhnə bazara təzə nırx” qoymağa qərar verib və regional idarənin tabeliyindəki bütün rayon şöbələrinin və müəssisələrinin rəhbərlərinin əlindən belə bir səlahiyyətlərini alıb. İşçilərin işə qəbulunu, işdən azad olunmalarını, hətta məzuniyyətə buraxılmalarını belə onun özü həyata keçirir. Yerli sakinləri arasında yayılan söz-söhbətlərə görə, bir müddət bundan öncə Nazirliyin daxili nəzarət idarəsi əməkdaşları Ağstafa Regional Mədəniyyət İdarəsində yoxlamalar həyata keçirdikləri zaman, bir nəfərin adına iki ədəd və digər şəxslərin adına çoxlu sayda əməkhaqqı kartları aşkara çıxarılır. Kart sahibləri orda-burda danışıblar ki, onlara məxsus əmək haqqı kartlarının müddəti başa çatmasa da, adlarına ikinci kart açılıb və həmin kartlara pullar da köçürülüb. Kartlar Əli Elbəyin iş otağındakı seyfdən tapılır və hər biri yoxlama işlərini aparan şəxslər tərəfindən aktlaşdırılaraq götürülür. Dolaşan söz-söhbətlərdə o da bildirilir ki, regional idarənin tabeliyində fəaliyyət göstərən müəssisələrə alınan mallar bazar qiymətindən bir neçə dəfə baha qiymətə sənədləşdirilir, yəqin ki, qiymət fərqi “pay-püşk” edilir. Malların alınması üçün keçirilən tenderlerdə “qalib çıxan” şirkətlər Əli Eybəylə qabaqcadan “centlmen sövdələşməsinə” gedən şəxslər olurlar. Görünən odur ki, hörmətli nazir Anar Kərimov bu şəxslə bağlı atdığı addım artıq suallar doğurmaqdadır. Diqqət yetirək ki, Əli Elbəy Ağstafa Regional Mədəniyyət İdarəsinə rəis olduğu vaxtdan indiyə kimi ucqar dağ kəndlərində “fəaliyyət göstərdiyi” bildirilən və bu idarənin tabeliyində olan bir çox kitabxanaların, muzeylərin və s. qapıları günlərlə açılmır. Mədəniyyət evlərində, klublarda çalışan işçilərin işə davamiyyətləri günün tələbinə cavab vermir. Bütün bunlar onu göstərir ki, nazir Anar Kərimovun bu kadrı heç də özünü doğrultmur, bir sözlə çoxsaylı “oşibkalar” buraxmaqda davam edir. Qısası, Ağstafa Regional Mədəniyyət İdarəsində köhnə hamam, köhnə tasdır, özü də dibi yırtılmış tas. Mövzuya qayıdacağıq.
İpoteka müqaviləsinin təsdiqi 150 manata qaldırılır
İpoteka krediti hesabına alınan yaşayış sahəsinə dair qarışıq müqavilə formasında bağlanan alqı-satqı və ipoteka müqaviləsinin təsdiqi üçün dövlət rüsumu artırılır.
Dərmanların qeydiyyatı üçün rüsum 50 faiz artırılır
Dərman vasitələrinin və maddələrinin dövlət qeydiyyatı, o cümlədən yenidən dövlət qeydiyyatı və onların qeydiyyat sənədlərində dəyişikliklərin dövlət qeydiyyatına, gigiyenik sertifikatın verilməsinə görə tutulan dövlət rüsumunun dərəcələrinin artırılması təklif edilir.
Qaçqınların və Məcburi Köçkünlərin İşləri üzrə Dövlət Komitəsinin nümayəndəsi “iş başında” yaxalanır- RƏZALƏT
Məlumdur ki, dövlət qulluqçuları qanunun aliliyini, insan hüquqlarını, demokratik prinsipləri və etik davranış qaydalarının tələblərini rəhbər tutmaqla bərabər, dövlət qulluqçularının etik davranış qaydaları haqqında Qanunun müddəalarına əməl etməyə də borcludurlar.