Bakıda Kamil, İstanbulda Nüsrət... - Bir milyard manatlıq cinayət



Bakıda qanunsuz sahibkarlıqla məşğul olan Qənbərov Kamil Səfadil oğlunun məhkəməsi başa çatıb.

Yenukirpi/az  Qafqazinfo-ya istinadla xəbər verir ki, işə Nərimanov Rayon Məhkəməsində baxılıb.

Araşdırmalar zamanı məlum olub ki, Q.Kamil lisenziyası olmadığı halda faktiki olaraq bank fəaliyyəti göstərib. Belə ki, o, Bakı şəhəri üzrə pul vəsaitlərinin 0,4 faizi məbləğində, Rusiyanın Moskva, Ukraynanın Kiyev, Gürcüstanın Tiflis və Türkiyənin İstanbul şəhəri üzrə isə pul vəsaitlərinin 0,2 faizi məbləğində xidmət haqqı müqabilində qanunsuz olaraq ayrı-ayrı şəxslərdən qəbul olunması və həmin şəxslərin sifarişi ilə üçüncü şəxslərə təhvil verilməsi üzrə xidmət göstərib.

O, bu işdə istintaqla şəxsiyyətləri müəyyən edilməyən Moskvada Sahil, Ukraynada Saşa, Gürcüstanda Baço, Türkiyədə isə Nüsrət adlı şəxslərlə əlbir olub.

Bu səbəbdən 34 yaşlı Kamil hakim qarşısında 192.2.3 maddəsi (Qanunsuz sahibkarlıq-mütəşəkkil dəstə tərəfindən törədildikdə) ilə ittiham olunub.

Qeyri-qanuni bankın ofisi isə paytaxtın Nərimanov rayonu, K.Kazımzadə küçəsi, ev 7 ünvanında yerləşən “Green Park” yaşayış kompleksinin 29 nömrəli mənzili olub.

Vüsal burada ona müraciət edən ayrı-ayrı şəxslərdən qeyd edilən qaydada müxtəlif məbləğlərdə pul vəsaiti alıb və qəbul etməli olan şəxslərə şəxsən və əlbir olduğu şəxslər vasitəsilə təhvil verilməsini həyata keçirib. Təqdim etdikləri pul vəsaitinin məbləğinə görə isə faiz alıblar.

Belə ki, qruplaşma 2019-cu ilin noyabrından 2021-ci ilin sentyabrınadək ümumilikdə 92.740.581,65 ABŞ dolları, həmin dövrün rəsmi məzənnəsi ilə 157.658.988,81 manat məbləğdə valyutanın faktiki olaraq qeyri-qanuni şəkildə köçürmə - həvalə yolu ilə əvəzləşdirilməsi həyata keçirilib. Bu işə görə həmin məbləğin 0,4 faizi olan 370 962 dollar, yəni 630 635 manat qazanc kimi götürülüb.

Ümumilikdə həmin dövrdə Bakı, Moskva, İstanbul, Kiyev və Tiflis şəhərlərində qeyd edilən 4 ölkə ərazisi üzrə ofislərdə 625.138.174,17 ABŞ dolları, yəni həmin dövrün rəsmi məzənnəsi ilə 1.062.734.896,09 manat məbləğdə pul vəsaitinin qanunsuz sahibkarlıq fəaliyyəti üzrə dövriyyəsini həyata keçirilib. Bunun qarşılığında isə ümumilikdə 2.756.105 manat gəlir əldə edilib.

Məhkəmə iclasında təqsirləndirilən şəxs qismində dindirilmiş Kamil Qənbərov elan edilmiş ittihamla özünü qismən təqsirli bilib. O, etdiyi əməli adi borc münasibəti və xidməti adlandırıb. Təqsirləndirilən şəxs bu müddət ərzində qazancının 70-80 min dollar olduğunu bildirib.

Hakim Vüsal Qurbanovun sədrliyi ilə keçirilən prosesin yekununda hökm oxunub. Kamil Qənbərova 6 il müddətinə azadlıqdan məhrum etmə cəzası təyin edilib. Onun cəzası 2 il 6 ay sınaq müddəti təyin edilməklə şərti hesab edilib.

Bölmənin digər xəbərləri

06 Sentyabr 2022 Xanbulan gölünə giriş niyə ödənişlidir?
19 Avqust 2022 Bakı çimərliyində acınacaqlı vəziyyət: Kanalizasiya suları dənizə axıdılır - VİDEO
26 İyul 2022 AQTA Qurban bayramı ilə əlaqədar əhaliyə çağırış edib
05 İyul 2022 Marketlərdə şəkər tozu qıtlığı: Qiymət artımına hazırlıq gedir? - VİDEO
30 İyun 2022 "Sherlocks" restoranı da sökülüb
17 İyun 2022 Bakıda ağacları kəsdilər, narkoman yuvası üzə çıxdı - YENİLƏNİB + FOTO/VİDEO
17 May 2022 Bakıda 90 yaşlı bina uçmaq təhlükəsi ilə üzləşib, sakinlər evlərini tərk edib - VİDEO
12 May 2022 Mağazalarda təhlükəli dondurmalar var, DİQQƏT!
18 Aprel 2022 Sanki meşə yox, zibil poliqonudur - VİDEO
13 Aprel 2022 Qış parkının “iflic” pilləkənləri: Onlar bizi hara aparır? - VİDEO
11 Aprel 2022 Azərbaycanda təbiətə 200 min manatlıq ziyan vuruldu
05 Aprel 2022 Ərazi hasarlanıb, yol bağlanıb - 10 ildən çoxdur tikinti aparılmır - VİDEO
04 Aprel 2022 Sürücülər Bakıya girişdə toz-dumanla qarşılaşdı - Video
04 Aprel 2022 Sumqayıtda zibil poliqonu yanır - Nazirlikdən AÇIQLAMA + VİDEO
04 Aprel 2022 Xırdalanda külək məktəbin damını uçurdu - Video
28 Mart 2022 "Azəriqaz” Xankəndindəki ermənilərə təbii qazı Bakıdan ötürəcək, yoxsa?.. - RƏSMİ CAVAB
16 Mart 2022 Yanan “Diqlas”ın yeri niyə hələ də boşdur?
11 Mart 2022 "Araz"da ucuz, müəmmalı, ziyanlı kolbasa: - "Bu, ət deyil..."
11 Mart 2022 Qubada icra başçısı vətəndaşı TƏHQİR EDİR... - NARAZILIQ VAR!
10 Mart 2022 Xanım Sevər xanım sən özünü biyabır etmə mənim...

Xəbər lenti