"Azəriqaz” Xankəndindəki ermənilərə təbii qazı Bakıdan ötürəcək, yoxsa?.. - RƏSMİ CAVAB






Xəbər verildiyi kimi, dünən –martın 27-də “Azəriqaz” İstehsalat Birliyi(İB) Xankəndinə qaz verilməsi haqda rəsmi açıqlama yayıb.

Əyanilik üçün həmin açıqlamanı bir daha nəzərinizə çatdırırıq:

“Son günlər Qarabağ iqtisadi rayonuna aid ərazidə uzun illər texniki xidmət göstərilmədən istismar olunan qaz paylayıcı xətlərdəki nasazlıq qaz təchizatında problemlərin yaranmasına səbəb olub. Normadan artıq qarın yağmasına baxmayaraq "Azəriqaz" İB-nin əraziyə ezam olunmuş əməkdaşları çətin relyefli ərazidə qəzanın nəticələrinin aradan qaldırılması istiqamətində zəruri tədbirlər görürlər.

Martın 28-də Xankəndi və digər ətraf yaşayış məntəqələrinə təbii qazın verilməsi bərpa olunacaq və ilk növbədə test işləri həyata keçiriləcək. Bununla əlaqədar olaraq istehlakçılara təbii qazdan istifadə edən zaman diqqətli olmaq, texniki təhlükəsizlik qaydalarına ciddi riayət etmək tövsiyə edilir.

Martın 29-da test yoxlamaları başa çatdırıldıqdan sonra Qarabağ iqtisadi rayonuna aid ərazidə təbii qazın verilməsi tam bərpa olunacaqdır”.

Göründüyü kimi “Azəriqaz”ın açıqlamasında Qarabağ iqtisadi rayonuna daxil olan Xankəndi şəhərinə və eləcə də Azərbaycan Respublikasının erməni əhalinin məskunlaşdığı digər ərazilərinə mavi yanacağın hansı istiqamətdən, Bakıdan “SOCAR”ın təmin etdiyi həmin istiqamətlərə yaxın olan qaz kəmərləri, yoxsa son təxminən 30 ildəki kimi Ermənistandan - Rusiyanın “Qazprom” şirkətinin təmin etdiyi və qanunsuz çəkilmiş kəmərlə təmin ediləcəyi aydın olmur. Dia.az xəbər verir ki, məsələyə aydınlıq gətirmək üçün müraciət etdiyimiz “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev Moderator.az-a açıqlamasında bunları söyləyib:

“Biz hazırda sözügedən ərazidə planlaşdırmadığımız işlər aparırıq. Gözləmədiyimiz bir vəziyyətdə fors-major bir hal yaranıb. Təbii ki, 30 il ərzində heç bir texniki qulluq edilmədiyindən sızmalar baş verməsi, boru xəttlərinin korroziyaya uğraması, mütəmadi qar uçqunlarının korroziyaya uğramış hissələri dağıtması və s. nəticəsində infrastruktura ciddi ziyan dəyib və kəmərlər istismara yararsız hala düşüb. Hal-hazırda isə Azəriqaz” İstehsalat Birliyi fors-major hadisələrin yaratdığı nəticələrin aradan qaldırılmasıyla məşğuldur. Ona görə də sizin verdiyiniz sualların cavabı hələki açıq qalır. Yəni planlaşdırılmamış iş olduğuna görə hansı halda hansı tərəfin nə iş görəcəyini düşünməmişik. Ona görə də bu növbəti mərhələ üçün verilən suallardır. Yaranmış vəziyyətin nəticələri tam aradan qaldırıldıqdan sonra hansı tərəfin üzərinə hansı missiya düşəcəyi artıq növbəti mərhələdə müəyyən ediləcək. Ona görə də hələlik konkret cavab vermək mümkün deyil”.

“Belə çıxır ki, Qarabağ iqtisadi rayonunun ermənilərin məskunlaşdığı hissəsinə təbii qaz hələlik, müvəqqəti olaraq Ermənistandan gələn xətlə veriləcək” sualını isə “Azəriqaz” rəsmisi belə cavablandırıb:

“Hələlik bunu konkret deyə bilmirəm. Dünən – martın 27-də günün sonunda əlaqə saxladığım “Azəriqaz” əməkdaşları çətin hava və relyef şəraiti, bəzi yerlərdə bir neçə metrlik qar laylarının olması ilə əlaqədar texniki qəza baş verən əraziyə qalxa bilmədiklərini bildirdilər. Bu gün isə test olunması planlaşdırılır. Əgər bir problem olmazsa, deyilən məsələlər müzakirə oluna bilər”.

Bölmənin digər xəbərləri

24 Yanvar 2023 Günlərdir qalaqlanan məişət tullantıları - VİDEO
20 Yanvar 2023 Qanlı 20 Yanvar faciəsindən 33 il ötür
16 Yanvar 2023 Xırdalanda əhalinin üzləşdiyi acınacaqlı MƏNZƏRƏ - VİDEO
10 Yanvar 2023 Xətai rayonunda 35 ailənin həyatı təhlükədədir -
09 Yanvar 2023 " Bakı qışa tam hazırdır"
09 Yanvar 2023 Bakı istiqamətində uzunluğu 1 km-ə çatan tıxac yarandı - VİDEO
06 Yanvar 2023 Hökməlidə hökm sürən antisanitariya - VİDEO
06 Yanvar 2023 İtlərin hücumuna məruz qalan 41 yaşlı qadın öldü - Video
04 Yanvar 2023 Ucarın acınacaqlı vəziyyətdə olan yolları - FOTO
28 Dekabr 2022 Şəhərin mərkəzində yaşayan həyatları "cəhənnəmə" çevrilən sakinlər - FOTO/VİDEO
27 Dekabr 2022 Yemi özündən baha başa gələn hind quşları - VİDEO
06 Sentyabr 2022 Xanbulan gölünə giriş niyə ödənişlidir?
19 Avqust 2022 Bakı çimərliyində acınacaqlı vəziyyət: Kanalizasiya suları dənizə axıdılır - VİDEO
26 İyul 2022 AQTA Qurban bayramı ilə əlaqədar əhaliyə çağırış edib
13 İyul 2022 Bakıda Kamil, İstanbulda Nüsrət... - Bir milyard manatlıq cinayət
05 İyul 2022 Marketlərdə şəkər tozu qıtlığı: Qiymət artımına hazırlıq gedir? - VİDEO
30 İyun 2022 "Sherlocks" restoranı da sökülüb
17 İyun 2022 Bakıda ağacları kəsdilər, narkoman yuvası üzə çıxdı - YENİLƏNİB + FOTO/VİDEO
17 May 2022 Bakıda 90 yaşlı bina uçmaq təhlükəsi ilə üzləşib, sakinlər evlərini tərk edib - VİDEO
12 May 2022 Mağazalarda təhlükəli dondurmalar var, DİQQƏT!

Xəbər lenti